Қозоғистон Россиянинг донини Ўзбекистон ва Хитойга реэкспорт қилишни чеклади. Бу ҳақда Қозоғистон бош вазири Олжаз Бектенов маълум қилди.
Ушбу чора 2024 йил охиригача Евросиё иқтисодий иттифоқи (ЕОИИ) давлатларидан буғдой импортини тақиқлаш доирасида амалга оширилмоқда. Бектеновга кўра, ҳукуматлараро комиссия йиғилишида “Росселхознадзор” томонидан Қозоғистон қишлоқ хўжалиги маҳсулотларини асоссиз бир томонлама қайтариш ҳолатлари муҳокама қилинган. Натижада комиссия ваколатли органларга чекловларни имкон қадар тезроқ бекор қилишни тавсия этган.
Илгари Қозоғистон ички бозорни ҳимоя қилиш мақсадида ЕОИИ мамлакатларидан буғдой импортини 2024 йил охиригача тақиқлаганди. Бектенов бу тақиқ Россия донининг Ўзбекистон ва Хитойга реэкспортини чеклашга сабаб бўлганини айтган.
Ҳукумат раҳбари, шунингдек, Қозоғистон 2024 йилда ЕОИИ мамлакатлари учун ўз ҳудуди орқали юкларни транзит ташиш бўйича ягона тарифлар даражасини оширганини маълум қилди. Хусусан, Россиядан Қирғизистонга донни Қозоғистон ҳудуди орқали ташиш тарифи икки баробарга кўтарилди.
Изоҳ (0)