“Росселхознадзор” Қозоғистонга мамлакатга дон, помидор, қалампир ҳамда кунгабоқар уруғлари экспортини вақтинча тўхтатиш талаби билан мурожаат қилди.
Агентлик Қозоғистон Қишлоқ хўжалиги вазирлигидан ушбу маҳсулотларни экспорт қилиш учун фитосанитария сертификатларини бермасликни сўраган ва буни уларда зараркунандалар ҳамда патогенлар тобора кўпайиб бораётгани билан асослаган.
Қозоғистон дон иттифоқи вакили Евгений Карабанов мазкур вазият савдо урушига яқин эканини таъкидлаган. Унинг сўзларига кўра, расмийлар ёки август ойида жорий қилинган Россия буғдойини олиб киришга қўйилган тақиқни бекор қилиш ёки Россиядан ун, сут ва гўшт маҳсулотларини олиб киришни тақиқлаш билан жавоб бериши керак.
Агар охирги вариант танланса, Карабанов Россия томонидан кўмир, нефть ва нефть маҳсулотлари транзитини тақиқлашни, кейин эса Қозоғистоннинг ЕврАзЕСдан чиқишини тахмин қилмоқда.
Қозоғистоннинг “AПК Новости” агентлиги аввалроқ Россияда сўзсиз сиёсат юритила бошлагани, унга кўра чегарачилар ва Россия темирйўллари раҳбарияти Қозоғистон товарларини Россияга олиб кириш ва уларни мамлакат ҳудуди орқали ташишдан бош тортгани ҳақида хабар берган эди.
Шу билан бирга, аввалроқ Қозоғистон Хитой билан газ экспортини кўпайтириш бўйича музокаралар олиб бораётгани ва газ ташиш тизимлари қувватини ошириш учун қўшимча қувур қуриш имкониятини кўриб чиқаётгани хабар қилинганди.
Изоҳ (0)