Қозоғистон январь ойида Ўзбекистонга 1,2 млн тонна дон экспорт қилади. Бу ҳақда KTZ-Freight Transportation компаниясига таяниб, BaigeNews.kz хабар берди.
Қозоғистон 2023 йилда 9 миллион тонна дон экспорт қилди, бу 2022 йилга нисбатан 1 миллион тоннага кўп. Донни ташиш 12,7 фоизга ошиб, 11,3 миллион тоннани ташкил этди. Қозоғистон Республикасига қишлоқ хўжалиги маҳсулотлари импорти 15 фоизга ошди.
“2024 йил январь ойи учун 1,5 миллион тонна дон юкини экспорт қилиш бўйича базавий режа келишиб олинди, шундан 1,2 миллион тоннаси Сариоғош чегара пункти орқали Ўзбекистон йўналиши бўйича. Шу билан бирга, жорий йилнинг биринчи кунларида Ўзбекистонга поездлар қатнови сезиларли даражада ошди, шу билан бирга, Хитой томонидан поездларни қабул қилиш секинлашди”, — дейилади хабарда.
Ўтган йили Хитойга дон ташиш 2022 йилга нисбатан 3 баравар ошиб, 2,2 миллион тоннага етганди.
Изоҳ (0)