Россия ҳукумати буғдой маҳсулотлари нархини барқарорлаштириш мақсадида буғдой экспортини ярим йилга тақиқлайди. Бу ҳақда “Коммерсант” хабар берди.
Экспорт тақиқи 1 декабрдан 2024 йил 31 майга қадар давом этади. Россиядан 24 миллион тонна дон экспорти учун квота белгиланган. Қарорлар божхона, тариф ва тарифсиз тартибга солиш бўйича қуйи қўмита томонидан қабул қилинган.
Россиядан буғдойни олти ойга олиб чиқишни вақтинчалик тақиқлашни Қишлоқ хўжалиги вазирлиги таклиф қилган. Иқтисодиёт вазирлиги билан биргаликда Қишлоқ хўжалиги вазирлиги ҳам ЁИИ аъзоси бўлмаган мамлакатларга буғдой, арпа, маккажўхори ва жавдар экспорти учун квоталар белгилаш ташаббуси билан чиққан. Ушбу чора 2024 йил 15 февралдан 30 июнгача амал қилади.
Ўзбекистон давлат статистика қўмитаси маълумотларига кўра, Ўзбекистонга 2022 йилнинг январь—ноябрь ойларида Россиядан 21,4 минг тонна буғдой импорт қилинган.
Изоҳ (0)