Америкалик YouTube блогер Рокко Баттлиер Lego ғиштларидан бутун дунёга машҳур диққатга сазовор жойлар ва қадимий шаҳарларнинг миниатюра моделларини йиғиб келади.
1950 йилларда илк бор ишлаб чиқарилган Lego ўйинчоқлари кўплаб авлодларнинг севимли машғулотига айланган. Маълумоти бўйича архитектор бўлган Рокко Баттлиер ҳам ушбу ўйинчоққа болалигидан катта қизиқиш билдирган ва йирик шаҳарлар қуриш лойиҳасини 2009 йилда бошлаган.
Шу вақтгача у қадимги Рим, Қуддус, Ватикан, Эйфель минораси, Вестминстер саройи ва бошқа кўплаб шаҳар ва биноларнинг кичик намуналарини ясаб келмоқда. Қуйида Ватикан шаҳрининг миниатюра шаклини ясаш учун 67 мингдан ортиқ Lego кубларидан фойдаланган:
У ҳар бир миниатюра объект устида бир неча ой давомида ишлайди, ўн минглаб Lego деталларини кўздан кечиради. Блогер ишни бошлашдан аввал ўзи танланган объект ҳақидаги мақола ва ҳужжатларни чуқур ўрганади ва баъзан музей ходимлари, тарихчилар билан ҳам маслаҳатлашади.
“Мен ўз ишимда деталлар ва реалликка алоҳида эътибор бераман ва ишим орқали инсоният учун тарихий жиҳатдан бебаҳо бўлган маданий меросларнинг янада кўпроқ эътироф этилишига ёрдам бераман”, дейди Рокко ўз иши ҳақида.
Сўнгги кунларда блогер Капитолий тепалиги иншоотлари ва у билан боғлиқ ёрқин жойларнинг Lego’дан ясалган намунаси билан ижтимоий тармоқларда бўлишмоқда.
Изоҳ (0)