Кунлар совиши билан кўпчилик одамлар ўзларидаги руҳий тушкунлик, ишдаги самарадорликнинг кескин пасайиши, тез толиқиш ва ланжликдан шикоят қилади. Кишида алоҳида сабабларсиз мана шундай руҳий аҳволнинг кузатилишига мавсумий тушкунлик сабаб бўлиши мумкин. Лекин ташвишланишга ҳожат йўқ, қуйидаги ажойиб кашфиётлар тушкунлик ва стрессни узоқ вақтга унутишингизга ёрдам беради.
“Тhis is fine” мемига аталган конструктор
Америкалик мултипликатор ва комикслар муаллифи Кей Си Грин томонидан яратилган ушбу мемга жорий йилда 11 йил тўлади. Чуқур ташвишга тушган вақтингизда мазкур конструкторни йиғишингиз ва барчаси ўйлаганингиздек ёмон эмаслигига амин бўлишингиз мумкин.
Пахмоқ робот
Casio компанияси ўзининг янги Moflin лақабли пахмоқ роботни тақдим этди. Митти ҳайвон ташқи кўринишидан сичқонга ўхшаб кетади. Moflin ширин товушлар ва митти ҳаракатлар орқали эгаси билан тактил сўзлашади.
Мазкур робот инсонларни эмоционал жиҳатдан қўллаб-қувватлаш ва руҳий фаровонликни яхшилаш учун янги восита сифатида ишлаб чиқарилган. Вақт ўтиши билан роботга янги функциялар киритилади ва кейинчалик у билан эгасининг овозини таний оладиган бўлади.
Узатма қутисининг мини версияси
Kickstarter Kraudfanding сайтида Magic Bох-С1 номли янги ўйинчоқ тақдим этилди. У ташқи кўринишидан автомобилдаги механик узатмалар қутисига ўхшайди. Гаджетда стрессдан халос бўлиш учун ёрдам берадиган жуда бурмалар, тугмалар ва калитлар мавжуд. У спиннер, поп-ит ва бошқа антистресс ўйинчоқлар аналогларининг ўрнини босади.
“Дўмбоқ мушукча” креслоси
Эҳтимол, барча муаммоларингиздан яширинишингиз мумкин бўлган энг қулай жой мазкур кресло бўлса керак. Кресло йиғилади ва қайта очилади, унда оёқларни ёйиб ўтириш мумкин. Бундан ташқари, унда смартфонни қўйиш учун махсус жой ажратилган. Креслонинг материали сув ўтказмайдиган матодан тайёрланган бўлиб, уни ўзингизнинг ўлчамингизга мослаштиришингиз мумкин.
Pika нейротармоғи
Баъзан визуал контент ҳам дам олишга ёрдам беради. Pika нейротармоғи айнан шу мақсадда ишлаб чиқилган. Мазкур сервис турли суратларга “жон беради” ва уларга сурреал эффектлар қўшади. Унда 3D объектларни майдалаш, текислаш ёки эзиш ҳам мумкин.
Изоҳ (0)