Райан Томас Гослинг 1980 йил 12 ноябрь куни Онтарио шаҳрида қоғоз сотувчи Томас Рей Гослинг ва котиба Донна оиласида туғилган. Унинг ота-онаси канадалик французлар бўлган.
Гослинг болалигида Тhе Мickey Mouse Club аъзоси бўлиб, у ерда Бритни Спирс, Кристина Агиулар ва Жастин Тимберлейк каби замонавий юлдузлар билан бирга чиқиш қилган.
Актёр ва мусиқачи икки карра “Оскар”, “Олтин глобус” мукофоти совриндори ва АҚШ Миллий кинотанқидчилар кенгаши мукофоти лауреати. 2008 йилда у Зак Шилдс билан биргаликда “Dead Маn’s Bones” мусиқий гуруҳини тузиб, шу кунгача унда чиқишлар қилиб келмоқда.
- Райан Гослинг ит панжасининг ҳидини яхши кўради. Актёрнинг фикрича, улардан попкорн ва жун ҳиди келади.
- Райан Гослинг инсонни дунёдаги “энг қўрқинчли ҳайвон” деб ҳисоблайди.
- Райан Гослинг вақтини ёлғизликда Disneyland’да ўтказишни ёқтиради. Ҳар сафар кўнгилочар паркка келгач, қулоқчин тақади ва аттракционларда сайр қилади.
- Райан Гослинг онасининг фикрига ҳурмат билан қарайди. Актёрнинг сўзларига кўра, у ҳар доим онаси маъқуллаган қизларни танлаган. Хусусан, бу унинг ҳозирги рафиқаси Ева Мендесга ҳам тегишли.
- Райан Гослинг рафиқасига бўлган муҳаббати ҳақида омма олдида гапиришдан тортинмайди. Ева Мендеснинг эътироф этишича, эри унга овқат тайёрлашни тақиқлайди, чунки бу вазифани ўзи жуда яхши уддалайди.
- Райан Гослинг — саргузашт ишқибози. Бир куни актёр уйдан чиқиб, бир ҳафтадан кейингина қайтиб келади. “Ҳамма мендан қаерда бўлганимни сўрайди, мендан хавотир олишган. Дўстим эса юк машинамда Калифорнияга бориб келмаймизми, деганди, деб тан олади актёр.
- Райан Гослинг баландликдан қўрқади. Актёр “Каскадёр” фильмини суратга олиш пайтида қўрқувдан қимирлолмай қолади. Шу дақиқада унинг бутун танаси тошдек қотиб қолади.
- Райан Гослинг олти ой Жастин Тимберлейк билан бирга яшайди. Ўша даврда у “Микки Маус клуби” шоусида иштирок этган. Актёр Флорида штатининг Орландо шаҳрига кўчиб ўтишига тўғри келади. Бу пайтда Тимберлейкнинг онаси унга қараб турарди.
- “Фақат Худо кечиради” фильмидаги гангстер роли учун Райан Гослинг кунига икки соатдан уч соатгача, ҳафтасига уч-тўрт кун машқ қилди.
- Райан Гослинг мактабда буллингга учраган. Лекин ўзи ҳам жим ўтирадиганлардан эмасди. Биринчи синфда актёр “Рембо” жангари фильмини кўрганидан кейин Рембога тақлид қилиб, стейк пичоқлари билан синфдошларига ташланади. 17 ёшида у ўзини тўлиқ актёрлик карьерасига бағишлаш учун мактабни ташлаб кетади.
Изоҳ (0)