Санъаткорга фильм ёки сериалда рол таклиф қилишса, улар одатда яхшилаб ўйлаб кўриб, шундан кейингина жавоб беради. Аммо шундай бўладики, тақдирнинг ўзи белги беради: бу ролни фақат сен ўйнашинг керак. Маълум бўлишича, бундай ҳолат актёрлар ва актрисалар билан тез-тез содир бўлади.
Райан Гослинг — Кен (“Барби”)
Икки нафар қизалоқнинг отаси Гослинг интервьюларининг бирида қайғули кузатишлари билан ўртоқлашганди. Унинг сўзларига кўра, болалар ҳеч қачон Кен билан ўйнашмайди. Кен ҳар доим диққат марказда бўлган Barbie аксессуари бўлиб қолади. Кейинчалик содир бўлган воқеа у Кенни ўйнаши кераклигининг белгиси бўлди.
“Сценарийни ўқиб чиқиб, ташқарига чиқдим. Оёғим остида Кен лойга ботган ҳолда ётарди”. Шундан сўнг Райан Барби режиссёри Грета Гервигга Кен ролини ўйнашга розилигини ёзган.
Энн Хэтэуэй — Энди Сакс (“Қаттиққўл хоним”)
Хэтэуэйдан олдин Энди Сакс ролига 8 нафар актриса кўриб чиқилади. Навбат Эннга келганида, Миранда Пристли ролини ижро этган Мерил Стрип кастинг жамоасига қўшилади. У Хэтэуэй ижро этган бошқа фильмдан кадр томоша қилади, актриса билан учрашади ва шундан сўнг: “У ажойиб қиз экан, менимча, биз бирга яхши ишлай оламиз”, дейди. Кейинчалик Хэтэуэйнинг ўзи тан олганидек, у бахтдан тинмай сакраган.
Том Ҳолланд — Ўргимчак одам
Тармоқ фойдаланувчилари Ҳолланд ўсмирлик чоғида дебют қилган “Имконсиз” фильми премьерасидан олинган видеони топишди. Журналистлар ундан суперқаҳрамонлардан қайси бирини ўйнашни хоҳлашини сўрашади. Ҳолланд эса фақат ўргимчак одамни ажратиб кўрсатади.
4 йилдан сўнг актёр биринчи марта ушбу образда “Биринчи қасоскор: Капитан Америка” фильмида пайдо бўлди. Бир йил ўтгач эса Ўргимчак одам ҳақида алоҳида фильмлар серияси бошланди, унда ҳам Ҳолланд бош ролни ўйнайди.
Метт Дэймон — Лесли Гровс (“Оппенгеймер”)
Оппенгеймерни суратга олишдан бир оз олдин Дэймон ва унинг рафиқаси оилавий терапиядан ўтаётган эди. Ва у хотинига ижодий танаффусга чиқишига ва Кристофер Нолан уни фильмига таклиф қилмаса, бошқа ҳеч қайси фильмда рол ўйнамасликка ваъда беради. Кўп ўтмай, режиссёр ҳақиқатан ҳам кутилмаганда Дэймонга қўнғироқ қилади ва уни янги картинадаги ролга таклиф қилади.
Жим Керри — Трумен Бербанк (“Трумен шоуси”) ва Жоэл Бериш (“Тоза ақлнинг абадий қуёши”)
“Ниқоб”, “Эйс Вентура: Уй ҳайвонлари детективи” ва бошқа фильмлардаги ажойиб ижросидан сўнг Керрига комедияларда рол ўйнаш таклифлари ёғилиб кетади. Актёр ҳар доим ўзи ўйнайдиган фильмларни жуда эҳтиёткорлик билан танлаган.
Аммо Керри карьерасида фақат иккита ҳолатда сценарийнинг бир неча саҳифасини ўқиб чиқибоқ дарҳол ролни қабул қилган. Иккала фильм ҳам — “Трумен шоуси” ва “Тоза ақлнинг абадий қуёши” актёрлик фаолиятидаги энг муваффақиятли ва деярли ягона драма бўлди.
Ричард Гир — Эдвард Льюис (“Соҳибжамол”)
Гир, кейинчалик ўзи ҳам тан олганидек, “Соҳибжамол” фильмида рол ўйнашни унчалик истамаган. Жулия уни кўндиришнинг антиқа йўлини ўйлаб топади.
Ёш актриса Ричард билан учрашганда фильм режиссёри Гарри Маршалл актёрга қўнғироқ қилади. Жулия эса унга “Илтимос, ҳа деб айт” деб ёзилган қоғозни кўрсатади. Актрисанинг бу ҳаракати уни шу қадар таъсирлантирадики, ҳеч иккиланмай ролга рози бўлади.
Кэмерон Диас — Тина Карлайл (“Ниқоб”)
Кастинг директори узоқ вақт давомида Тина роли учун қиз қидиради. Охир-оқибат у ёрдам сўраб, модел агентлиги бўлган дўстига мурожаат қилади. Дўсти дарҳол унга ўша пайтда модел бўлиб ишлаган Диасни тавсия қилади. Кастинг директорига Кэмерон ёқади. Шундай қилиб, Диас ҳаётидаги биринчи ролини олади, бу рол уни машҳур қилади.
Райан Гослинг — Ной ролида (“Хотира кундалиги”)
Таниқли актёрлар бирин-кетин “Хотира кундалиги”даги ролдан бош тортишади. Ҳеч ким ғайритабиий севгидан бошқа нарсага қизиқмайдиган оддий йигит ролини ўйнашни хоҳламайди.
Режиссёр Ник Кассаветис ёш Райан Гослингни кўрганида фильмига шу актёр кераклигини дарҳол тушунади. У ўз танловини Гослингнинг келишган ва қўпол йигит эмас, балки “бир оз ақлдан озган кўринадиган” оддий йигит эканлиги билан оқлайди. Натижада мелодрамадаги рол актёрга машҳурлик келтиради.
Изоҳ (0)