Леди Гага
Хонанданинг ота-онаси Жозеф ва Синтия Германотта 2012 йилда Нью-Йоркда Joanne Trattoria ресторанини очган. “Ошпазлик китоби” муаллифи Арт Смит бош ошпаз. Леди Гаганинг ўзи рестораннинг бизнес шериги ҳисобланади. Хонанданинг холаси номини олган ресторанда италян таомлари тайёрланади. У ерда Гаганинг кўриниш бериши ташриф буюрувчилар учун қувончли ҳолдир.
Jay-Z
2003 йилда қўшиқчи Нью-Йоркда биринчи 40/40 клубини очди. Тез орада улар бештага етди, аммо Лас-Вегас ва Атлантик ситидаги барлар рақобатга дош бера олмади. Бруклин ва Атланта аэропортидаги муассасалар ҳамон очиқ. Барлар ичимликлар ва газакларнинг кенг танловини таклиф қилади.
Райан Гослинг
Актёр Лос-Анжелесдаги Tagine марокаш ресторанининг инвесторларидан бири. Ресторан веб-сайтида айтилишича, актёр ошпаз Абдессамад Бенамернинг бир нечта таомларини татиб кўрганидан кейин уни очишга қарор қилган ва умрининг охиригача шундай овқатланишга тайёрлигини айтган. Ошпаз Бен шундан бери у ерда ошхонани бошқариб келади.
Роберт Де Ниро
Афсонавий актёр узоқ вақтдан бери муваффақиятли ресторатор сифатида танилган. 1994 йилда у Нью-Йоркда Nobu ресторанини очди. Ошпаз эса Нобу Матсушита. Ўшандан бери тармоқ беш қитъада 39 та ресторан ва саккизта ҳашаматли меҳмонхонага айланди. Де Ниро, шунингдек, Tribeca Grill ва Locanda Verde ресторанларининг ҳам эгасига айланди.
Ченнинг Татум
Актёр Ню-Орлеанда Saints and Sinners’ни болаликдаги дўсти Кейт Куртс билан ҳамкорликда очди. Ресторанда тимсоҳ думи ёки қисқичбақа гўштидан пирог каби маҳаллий таомлар тақдим этилади.
Тай Баррелл
Актёр Юта штатидаги Парк-Сити шаҳрида The Eating Estabment’ни очди. Аниқроғи, у ушбу бинода қирқ йилдан кўпроқ вақт давомида мавжуд бўлган қаҳвахона тушунчасини тўлиқ янгилади. Кейинчалик унинг яқинида актёр The Beer Bar номи билан бар очди.
Жон Бон Жови
Ню-Жерсидаги иккита JBJ Soul ошхонаси анъанавий америка таомлари билан хизмат қилади, аммо менюда нархлар йўқ: муассаса хайрия асосида ишлайди. Хонанда бу концепцияни 2011 йилда муҳтожлар текин овқатланиши учун ўйлаб топган.
Изоҳ (0)