2023 йилда Голливуд дунёсида энг кўп ҳақ тўланган актёрлар рўйхати эълон қилинди, дея хабар қилди Harper’s Bazaar нашри. Рейтингдаги энг кучли ўнта актёр умумий деярли 0,5 миллиард доллар ишлаб топган. Эътиборлиси, ушбу топ-5 таликда доимгидек эркак актёрлар етакчилик қилмоқда.
Адам Сендлер
Машҳур актёр Адам Сендлер 73 миллион доллар ишлаб топиб, ушбу поғонада биринчи ўринни эгаллади. Комедиячи бу пулнинг катта қисмини Netflix билан ҳамкорлик шартномаси ва стенд-тур концертлари орқали ишлаб топган.
Марго Робби
Сўнгги йилда трендга айланган “Барби” фильмининг бош қаҳрамони мафтункор актриса Марго Робби 2023 йилнинг энг кўп ҳақ тўланган актрисаси бўлди. Актриса ва продюсер ўтган йилги фаолиятида умумий миқдорда 59 миллион доллар пул ишлади.
Том Круз
Фахрли учинчи ўринни актёр Том Круз эгаллади. У “Топ Гун: Маверик” (2022) фильми ва “Уддалаб бўлмас топшириқ. Қонли ҳисоб-китоб. Биринчи қисм” фильмларидан яхши даромад олди.
Мазкур фильм ўтган йил июль ойида кинотеатрларда намойиш этилган. Ушбу релизлар каскадёрга 45 миллион доллар фойда келтирди.
Райан Гослинг
Дунёдаги энг ёқимтой эркаклардан бири дея тан олинган актёр Райан Гослинг “Барби” фильмида Кен роли орқали 43 миллион доллар даромад олган. Шунингдек, ҳитга айланган “I’m just Ken” саундтреки ҳам актёрга юқори фойда келтирган.
Энг катта гонорар оладиган Голливуд актёрлари рўйхатига Метт Деймон, Женнифер Энистон, Леонардо Ди Каприо, Бен Аффлек ва Дензел Вашингтон кабилар ҳам киритилган.
Изоҳ (0)