Одатда актёрларни ўз ролларида кўришга ўрганиб қолганмиз, лекин баъзида образи учун шунчалик ўзгарадиларки, уларни таниб бўлмайди. Қуйида актёрлар қайси фильм ва сериалларда ғайриоддий образларда ўйнаганини кўрамиз.
Райан Гослинг — “Барби”
“Барби” фильмида Райан Гослинг барчага ҳақиқий профессионаллик нима эканлигини кўрсатди — Кен ролида актёрни кўриш ҳақиқий сенсация бўлди.
Томошабинлар Гослингни ақлдан озган, жасур ҳайдовчи сифатида кўришга одатланган, аммо машҳурни қўғирчоқлар ҳақидаги фильмда Барбининг дўсти сифатида кўриш ҳеч кимнинг хаёлига келмаган.
Энн Хэтэуэй — “Жодугарлар”
Ким ҳам Эннни жодугар Эва Эрнст ролида таний оларди. Актриса бутун фаолияти давомида мафтункор соҳибжамолларни ўйнагани учун уни жодугар қиёфасида кўриш кутилмаган ҳол эди.
Марго Робби — “Тоня ҳаммага қарши”
“Тоня ҳаммага қарши” фильмида Марго Робби мафтункор малласоч эмас, балки муваффақиятга эришиш ва ҳақиқий чемпион бўлиш учун бошидан турли қийинчиликларни ўтказган америкалик фигурали учувчи ролини ўйнайди. Бундай мақсадли, қатъиятли ва кучли Роббини илгари ҳеч бир фильмда кўрмагансиз.
Роберт Паттинсон — “Маёқ”
“Сумерки” юлдузи 2019 йилгача келишган вампир ролидан қутула олмайди. Бироқ Робертнинг “Маёқ” фильмидаги иштироки ҳамма нарсани ўзгартиради ва унга ёпишиб қолган тамғадан халос бўлишга ёрдам беради.
Ўзини бутунлай йўқотиб қўйган Эфраим Уинслоу ролида ранги оқариб кетган, келишган вампир йигитни кўришнинг иложи йўқ эди.
Мелисса Маккарти — “Сув париси”
Кўпчилик Маккаратининг истеъдодига шубҳа қилади, лекин у ўзини ҳар қандай одамга, шу жумладан “Сув париси” фильмидаги асосий антагонист Урсулага айлантиришга қодирлигини исботлашга муваффақ бўлади.
Дастлаб фильм мухлислари актрисанинг иштирок этишига қарши эди, чунки унинг роли қаҳрамонга умуман тўғри келмасди, лекин фильм чиқиши биланоқ ҳамма ҳайратда қолади.
Изоҳ (0)