2024 йилги “Оскар” мукофотига номзодлар рўйхати эълон қилинганидан сўнг, кўплаб Голливуд юлдузлари тақдим қилинган рўйхатдан норози, хусусан, “Барби” фильми иштирокчиларидан бир Райан Гослинг эътироз билдирган.
Канадалик актёр иккинчи пландаги энг яхши актёр номинацияси бўйича номзодлар қаторида бор, лекин Грета Гервиг ва Марго Робби номзодлар қаторида бўлмаганлиги учун танқид қилди.
Барбисиз Кен бўлмайди. Грета Гервиг ва Марго Роббисиз Барби ҳақида фильм ҳам бўлмайди, бу икки шахс фильм яратилиши учун масъул бўлган. Уларнинг истеъдоди, жасорати ва даҳолиги бўлмаганида фильмни ҳеч ким тан олмаган бўлар эди. Уларнинг ўз номинациялари бўйича номзодлар қаторида кўрсатилмаганини айтмаслик нотўғри бўлар эди. Уларнинг ижросини бошқа муносиб номзодлар қатори нишонлаш керак, — дейди актёр ғазаб билан.
Америкалик хонанда Бетт Мидлер ҳам Марго Робби ва Грета Гервиг “Оскар” мукофоти номзодлари қаторида бўлиши кераклигини таъкидлади, лекин айнан Грета Гервиг ўрнига Райан Гослинг номзод қилиб кўрсатилган.
Картина Грета Гервиг ва Марго Роббининг меҳнати бўлиб, танқидчилар мақтовига муяссар бўлди ҳамда маданий ҳодисага айланди. Барби позициясидан феминистик мавзуларни ўрганиш ва патриархал меъёрларга қарши чиқиш олиб берилган. Фильм нафақат чуқур резонанс олиб келди, балки миллиард доллар даромад ҳам келтирди. Ажабланарлиси шундаки, айнан Кен “Оскар”га номзод бўлган, — деб муносабат билдирган хонанда.
Норозилар қаторига ёзувчи Стивен Кинг ва актриса Шэрон Стоун ҳам қўшилган.
Изоҳ (0)