Голливуд юлдузлари ўз мухлисларини ҳайратда қолдиришдан тўхтамайди. Улар ажойиб истеъдоди ва роллари билан бирга ўзларининг билими ва бир неча тиллларда сўзлаша олиш қобилияти билан барчамизга оърнак бўла олади. Қуйида она тилидан ташқари бошқа хорижий тилларда эркин мулоқот қила оладиган машҳурларни кўриб чиқамиз.
Том Ҳиддлстон
Том Ҳиддлстон рақсга тушиш, қўшиқ айтишдан ташқари хорижий тилларни ўрганишни яхши кўради. Унинг она тили инглиз тилидир. Том испан, француз, грек ва ҳатто лотин тилларини ҳам билади. Юлдуз буларнинг барчаси унга турли хил ролларни ижро этиш учун ёрдам беради, деб таъкидлайди.
Натали Портман
“Леон” ва “Қора оққуш” фильмлари юлдузи Исроилда туғилиб ўсган бўлиб, иврит ва инглиз тилидан ташқари япон, немис, француз ва испан тилларида гаплаша олади. Гарвард университетини тамомлаган актриса бир нечта илмий ишларни ёзишни ҳам уддасидан чиққан. Француз тилида ҳам равон сўзлашишига унинг турмуш ўртоғи — франциялик Бенжамин Милпе сабаб бўлган.
Қизиқарли факт: Натали Портман ўрганган яна бир ноодатий тил — бу имо-ишора билан сўзлашув эди. 2011 йилда у Пол Маккартнининг Мy Valentine клипида қўшиқ сўзларини имо-ишора билан тасвирлаган.
Жонни Депп
Жонни Депп актриса Ванесса Паради билан турмуш қурган, аммо никоҳ 14 йилдан сўнг бузилди. Рафиқаси франциялик бўлгани учун Депп йиллар давомида ушбу тилни тушуна бошлаган. Уларнинг фарзандлари ҳам инглиз ва француз тилида эркин мулоқот қилади.
Зои Салдана
2014 йил сентябрь ойидаги Cosmopolitan for Latinas журналига берган интервьюсида актриса италиялик турмуш ўртоғи билан фарзандларини бир неча тилда тарбиялашини маълум қилди. Актриса ва унинг оила аъзолари француз, испан, португал ва испан каби тилларни билади.
Эдвард Нортон
Девид Финчернинг “Жанговар клуб” фильми юлдузи француз ва испан тилларида равон сўзлашади. Шунингдек, актёр болалигида бобоси билан бирга Японияда бир неча йил яшагани учун япон тилида ҳам гаплаша олади.
Леонардо Ди Каприо
Леонардо Ди Каприонинг иккинчи Вилгелм деган иккинчи исми бор. Бундан маълум бўладики, актёр немис тилини жуда яхши билади. Бунга унинг онаси сабабчи — актёрнинг волидаси Германияда туғилган ва Лео билан келиб чиқиши рус бўлган бувисиникига тез-тез бориб турган. Актёр немис тилида аъло даражада сўзлашмаса ҳам, пресс-турлар давомида саволларга жавоб берадиган даражада яхши гапира олади.
Гвинет Пелтроу
Гвинет Пелтроу учта тил — инглиз, испан ва француз тилларида мулоқот қила олади. Актрисага айниқса испан тилида сўзлашиш ёқади, чунки у ўсмирлик чоғида оиласи билан биринчи марта Испанияга борган ва ушбу мамлакатга катта қизиқиш уйғонган. Пелтроу Испанияни шунчалик яхши кўрар эдики, у деярли ҳар йили Испанияга ташриф буюришни одатга айлантирди. Актриса фарзандларига она тили испан бўлган энага ёллаган ва шу тариқа болалари ҳам турли тилларда сўзлашишига ҳисса қўшган.
Изоҳ (0)