Биринчи дақиқадаёқ ҳайратга соладиган миллиардерлар ҳаёти ҳақидаги энг яхши фильмлар

Катта пуллар ҳақидаги фильмлар кўпинча драма ва интригаларга бой бўлади, аммо қуйида бутун оила билан томоша қилишингиз мумкин бўлган комедиялар, биографик фильмларни йиғганмиз.

“Ғаройиб гаров”, 1983

Эдди Mёрфи ва Ден Эйкройд иштирокидаги самимий комедия ўз вақтида 2 та “Олтин глобус” номинациясини олган.

Сюжет: муваффақиятли ака-ука Дюклар ноодатий гаров ўйнашади: улардан бири компанияни ҳар ким бошқариши мумкин деган қарорга келади. Шунда улар компаниянинг тажрибали менежери ўрнига кўчадаги безорини компанияга бош қилиб қўйишади.

“Брокер”, 1985

Ёш Кевин Бейкон иштирокидаги фильм биржада хато қилган одамнинг ҳаёти қандай кескин ўзгариб кетиши ҳақида.

Сюжет: бош қаҳрамон Уолл Стритда брокер бўлиб иш бошлайди. Аввалига ҳаммаси яхши кетади, лекин кейин бирданига ҳамма нарсадан маҳрум бўлади. Шунда у фаолиятини якунлаб, ҳаётини янгидан бошлашга қарор қилади ва ишини тубдан ўзгартиради.

“Уолл Стрит”, 1987

Ушбу фильм молиявий драмалар классикаси бўлиб, унда Майкл Дуглас Уолл Стритнинг бош йиртқич қаҳрамони Гордон Гекко ролини ижро этган ва бу роли учун “Оскар” билан тақдирланган.

“Ҳамроҳ”, 1996

Уолл Стритдаги гендер тенгсизликлар ҳақидаги Вупи Голдберг иштирокидаги комедия.

“Фирибгар”, 1999

Фильмда Юэн Макгрегор йирик банкдаги ёш мутахассис ролини ижро этади. Дастлаб у муаммоларни моҳирлик билан ҳал қилади ва биржада савдо қилади. Аммо катта пулни бой бергач, изларни йўқотиш учун моҳирона схема ўйлаб топади.

“Нефть”, 2007

Бойлик орттириш истаги ҳақида гап кетганда, бу драмани эътибордан четда қолдириб бўлмайди. Фильм икки карра “Оскар” мукофотига сазовор бўлган, шу жумладан энг яхши эркак роли учун Даниэль Дай-Льюис мукофотланган.

Сюжет: ХХ аср бошларида олтин ва кумуш излаб юрган тадбиркор нефть топиб, тез орада бадавлат нефтчига айланади. Тўсатдан у янги кон ҳақида билиб қолади ва янада бойиш учун қўлидан келганини қилади.

“Тасаввур қил”, 2008

Ушбу рўйхатда бутун оила билан томоша қилиш мумкин бўлган Эдди Mёрфи иштирокидаги яна бир комедия бор.

Сюжет: бош қаҳрамон — ишига муккасидан кетган молиявий таҳлилчи ҳақида. Кутилмаганда унинг муваффақиятли карьераси хавф остида қолади ва тўсатдан кичик қизи ўз расмларида биржа котировкаларини тўғри тасвирлаганини пайқайди.

“Тафаккур чексизлиги”, 2011

Бош қаҳрамон NZТ деб номланган дори ёрдамида ўз ҳаётини тубдан ўзгартириб, муваффақиятсиз ёзувчидан шаҳарнинг энг бой одамларидан бирига айланади. Лекин ҳамма нарсанинг бадали бор.

“Уолл Стрит бўриси”, 2013

Мартин Скорсезенинг мазкур фильми беш карра “Оскар” мукофотига номзод бўлган. Ҳозиргача кўпчилик Жордан Белфорт роли учун Леонардо Ди Каприо “Оскар” олиши керак эди деб ҳисоблайди. Фильм Жордан Белфортнинг “Уолл Стрит бўриси” хотиралари асосида суратга олинган.

“Молиявий махлуқ”, 2016

“Қўзилар сукунати” юлдузи Жоди Фостер режиссёрлик қилган Жорж Клуни ва Жулия Робертс иштирокидаги молиявий триллер.

Фильмнинг сюжети таниқли телебошловчи атрофида бўлиб, молиявий маслаҳатлари уни Уолл Стритнинг ҳақиқий юлдузига айлантиради. Бироқ унинг бир маслаҳати ҳаммасини барбод қилади: мижозлар ҳамма нарсасини йўқотди ва бошловчини гаровга олиб, қасос олишни хоҳлайди.

“Ҳисоб-китоб”, 2016

Фильм сценарийси 2011 йилги сценарийларнинг “қора рўйхати”га киритилган.

Фильмда энг хавфли жиноий ташкилотлар учун аудитор бўлиб ишлайдиган ва миллионлаб долларлик келишмовчиликларни билиб берадиган математик даҳо ҳақида ҳикоя қилинади.

“Уолл Стрит овчиси”, 2016 йил

Жерард Батлер ва Уилям Дефо иштирокидаги фильм тарозининг бир палласида Уолл Стрит, иккинчисида эса оиланинг манфаатлари турганида нима қилиш кераклиги ҳақидаги фильм.

“Ёлғончи, буюк ва даҳшатли” , 2017

Роберт Де Ниро иштирокидаги реал воқеаларга асосланган биографик фильм.

Сюжет: Берни Мейдофф тарихга дунёдаги энг катта молиявий пирамида қурган ва уни инвестиция фонди сифатида ниқоблаган одам сифатида киради. Фирибгарлиги фош бўлгач, Мейдофф 150 йилга қамалади ва унинг фаолияти бутун оила учун ҳалокатли оқибатларга олиб келади.