21 июль куни АҚШ президенти Жо Байден 2024 йилги сайловларда давлат раҳбари лавозими учун курашда қатнашмаслигини маълум қилди ва ўзининг ўрнига Демократик партиядан номзод сифатида вице-президент Камала Ҳаррисни таклиф қилди. Шунга ўхшаш прецедент фонида аёллар бизнесда, сиёсатда ёки судда эркаклардан ҳеч қандай кам бўлмаган ҳолда фаолият юритгани ҳақидаги фильмлар билан танишинг.
“Эрин Брокович” (2000)
- Жанр: драма, биография
- Режиссёр: Стивен Содерберг
- Ролларда: Жулия Робертс, Алберт Финней, Арон Экҳарт, Питер Коёт, Черри Жонс
Жулия Робертс — 3 болани ёлғиз тарбиялаётган она Эрин Брокович. Бахтсиз ҳодисадан сўнг, аёл ҳуқуқшунослик бўйича иш топади (гарчи у ҳеч қандай маълумотга эга бўлмаса ҳам) — у оддийгина адвокатнинг офисига ишга киради. Ва ҳақиқий экологик ҳалокатга сабаб бўлган маҳаллий тадбиркорларга қарши курашади.
“Темир хоним” (2011)
- Жанр: драма, биография
- Режиссёр: Филлида Ллойд
- Ролларда: Мерил Стрип, Жим Броадбент, Иен Глен, Эмма Девҳарст, Виктория Бюик
Фильмда Мерил Стрип деменциядан азият чекаётган ва ватанининг келажаги ҳақида қайғураётган Британия бош вазири — Маргарет Тетчер ролини ўйнайди.
“Голда. Қиёмат куни” (2023)
- Жанр: биография, ҳарбий, драма, тарихий
- Режиссёр: Гай Наттив
- Ролларда: Ҳелен Миррен, Камил Коттен, Лиэв Шрайбер, Зед Жозеф, Клодетт Уильямс
Гай Наттивнинг Исроилнинг биринчи аёл бош вазири Голда Мейир (Ҳелен Миррен) ҳақидаги биографик фильми. Фильм воқеалари 1973 йилда Қиёмат куни уруши (19 кун давом этган ҳарбий можаро) пайтида, Миср, Сурия ва Иордания Олти кунлик урушда йўқотилган ҳудудларни қайтариб олиш учун Исроилга ҳужум қилганда содир бўлади. Фильм премьераси 2023 йил февраль ойида Берлин кинофестивалида бўлиб ўтган.
“Slouннинг хавфли ўйини” (2016)
- Жанр: драма, жиноий
- Режиссёр: Жон Мадден
- Ролларда: Жессика Честейн, Марк Стронг, Гугу Мбатҳа-Рау, Алисон Пилл, Майкл Стулбарг
Жон Мадденнинг мазкур фильмида Жессика Честейн қурол лоббисига қарши қонун қабул қилишга қарор қилган шафқатсиз лоббичи Элизабет Slouн ролини ўйнайди. Ҳар қандай манипуляцияга тайёр бўлган Элизабет қалтис ишга қўл уради ва деярли карьераси билан хайрлашади. Честейннинг энг яхши ролларидан бири бўлган ушбу рол унга “Олтин глобус” номинациясини тақдим этди.
“Қиролича” (2005)
- Жанр: драма, биография
- Режиссёр: Стивен Фрирз
- Ролларда: Ҳелен Миррен, Жеймс Кромвел, Майкл Шин, Алекс Женнингс, Силвия Симс
Стивен Фрирзнинг мазкур фильмида Хелен Миррен 1997 йилда малика Диана ўлимидан кейинги Елизавета II ролини ўйнайди: Морган Елизаветани нафақат қиролича, балки келини ва невараларини ҳар қандай йўл билан ҳимоя қилишга уринаётган қайнона сифатида ҳам кўрсатади.
“Картадан ясалган уй” (2013—2018)
- Жанр: драма
- Режиссёр: Жеймс Фоули, Робин Райт, Жон Девид Коулс
- Ролларда: Робин Райт, Майкл Келли, Кевин Спейси, Дерек Сесил, Жейн Аткинсон
Дастлабки уч фаслда тасаввурни ҳаяжонга солган сериал якунида охир-оқибат сиёсат ўз ўрнини бой бера бошлайди. Кутилмаган сюжетли бурилишлар ва Фрэнк Андервуд билан рақобатлаша оладиган қизиқарли персонажлар билан ажралиб туради.
“Тож” (2016–2023)
- Жанр: драма, тарихий, биография
- Режиссёр: Бенжамин Карон, Филипп Мартин, Кристиан Швохов
- Ролларда: Клер Фой, Оливия Колман, Имелда Стаунтон, Метт Смит, Тобиас Мензис
Елизавета II нинг 1947 йилда тахтга ўтирганидан 21-асргача бўлган ҳаёти ҳақида кенг кўламли сериал. Буюк Британия қироличасининг мероси ва ҳаётининг паст-баландликлари ҳақида қизиқарли ва батафсил тарихий драма.
“Тансоқчи” (2018)
- Жанр: триллер, жанг, драма, детектив, жиноят
- Режиссёр: Жон Стрикленд, Томас Винсент
- Ролларда: Ричард Мадден, Кили Хоуз, Софи Рундл, Винсент Франклин, Эш Тандон
Собиқ ҳарбий хизматчи ички ишлар вазирининг қўриқчисига айланади, вазир — сиёсий дастури қаҳрамоннинг шахсий эътиқодига зид бўлган амбицияли аёл. Сюжет воқеалари кескинлашиб боргани сари тансоқчининг иши тобора қийинлашади.
“Юқорига қарама” (2021)
- Жанр: драма, фантастика, комедия
- Режиссёр: Адам Маккай
- Ролларда: Леонардо Ди Каприо, Женнифер Лоуренс, Мерил Стрип, Жонаҳ Хилл, Кейт Бланчетт
Адам Маккейнинг қора комедия элементлари қоришган илмий-фантастик фильми. Аспирант Кейт ДиБиаски (Женнифер Лоуренс) ва профессор Рендалл Минди (Леонардо Ди Каприо) вакили бўлган америкалик олимлар олти ойдан сўнг бутун ҳаётга нуқта қўядиган комета Ерга яқинлашаётганини аниқлашади. Инсониятни огоҳлантиришга уриниб, улар шафқатсиз ҳақиқатга дуч келишади: атрофдагиларнинг барчаси уларни ақлдан озгандек қабул қилади (ҳатто Мерил Стрип ижро этган АҚШ президенти Жейн Орлин ва разведка хизматлари ҳам).
“Меросхўрлар” (2018 - 2023)
- Жанр: драма, комедия
- Режиссёр: Марк Мйлод, Андрий Парех, Шари Springer Берман
- Ролларда: Брайан Кокс, Жереми Стронг, Киран Калкин, Сара Снук, Метю Makfaден
Кинояли сатира ва Шекспир асарларидаги фожиани ўзида мужассам этган драма, унда деярли ҳеч қандай ижобий қаҳрамон йўқ. Драма, актёрлик ва маҳортали ижро ёрдамида энг йирик медиа конгломерати устидан ҳокимият учун кураш ва оилавий муносабатлар ҳақида ҳикоя қилади.
Изоҳ (0)