Иккинчи мен: роли ҳаётининг бир қисмига айланиб кетган Голливуд актёрлари

Одатда актёрлар суратга олиш майдончасини тарк этиши билан образдан ҳам чиқиб кетиши керак. Аммо баъзи актёрлар бунинг уддасидан чиқолмади. Қизиқ, қайси юлдузларга уларнинг қаҳрамони катта таъсир қилган? 

Леди Гага

“Гуччи уйи” Леди Гаганинг биринчи лойиҳаси эмас. Бироқ бу фильм юлдузга алоҳида таъсир кўрсатади. Роли ишончли чиқиши учун хонанда уч йил давомида юз ифодаларини, артикуляциясини ва ҳатто акцентини ўзгартиради. Ҳаммаси Патриция Режани образи ишончли чиқиши учун эди.

Тўғрисини айтсам, Режани каби бир ярим йил яшадим. Тўққиз ой давомида акцент билан гапирдим, ҳатто саҳна ортида ҳам. Бу образ ҳар доим мен билан бирга бўлди.

Билл Скарсгард

Биллнинг ажойиб ижроси нафақат мухлислар, балки танқидчилар томонидан ҳам юқори баҳоланади. Бу ажабланарли эмас, чунки ундан қўрқинчли масхарабозни топиш қийин. Бироқ Скарсгадрнинг ўзи унинг ёвуз қиёфаси таъсирига тушиб қолади:

Бу жуда ғалати эди. Уч ойлик суратга олиш жараёнида мен масхарабоз Пеннивайс билан бирга яшадим. Мен у ҳақида ҳаммадан кўра кўпроқ ўйлардим, уни қон томиримда ҳам ҳис қилардим — у ҳақида ўйламасдан туролмасдим. Мен ўйнаган ҳар бир қаҳрамон қандайдир яқин одамимга айланади, лекин Пеннивайс ва мен жуда ҳалокатли муносабатларга эга эдик. Албатта, барча ҳолатларда бўлгани каби бу қанчалик даҳшатли эканлигини тушуниш учун бу муносабатлардан чиқиш керак эди.

Жаред Лето

Профессионал қотиллар жамоаси ҳақидаги фильмни ақлдан озган Жокер ва унинг жўшқин қиз дўсти Харли Куиннсиз тасаввур қилиш қийин. Жаред ақлдан озган одамнинг кайфиятини шунчалик аниқ етказадики, ҳатто унинг суратга олиш майдончасидаги ҳамкасблари ҳам Летодан қўрқади.

Жаред ҳақиқий Жокерга айланганди, у ўзини Жокер каби ҳис қиларди. У ҳатто ҳазиллашмас, ниҳоятда жиддий эди. Актёр сифатида у ролга бутунлай киришиб кетганди, — дейди Уилл Смит.

Леонардо Ди Каприо

“Омон қолган” фильмида актёр ғайриоддий нарсаларни истеъмол қилишига тўғри келади. Актёр танасининг реакциясини охирги кадрларда кўриш мумкин.

Музли дарёга кириб-чиқиб, ҳайвон жасадида ухлаш. Мен доимо даҳшатли даражада совқотардим, эҳтимол ҳатто мунтазам равишда гипотермияни бошдан кечирардим. Албатта, ҳар куни бизон жигарини емасдим. Аммо фильмни томоша қилганингизда, бунга бўлган реакциямни кўрасиз, чунки режиссёр уни монтаж пайтида қолдиришга қарор қилган. Бу инстинктив реакция эди.

Хоакин Феникс

Ёмон одам бўлиш осон эмас, айниқса, Joker бўлиш. Афсонавий персонажни ўйнаш учун Хоакин Феникс жуда кўп вазн йўқотиши керак эди. Бундан ташқари, бундай ролга киришиб кетиш руҳият учун яхши оқибатларга олиб келмасди.

Биласизми, қисқа вақт ичида жуда кўп вазн йўқотсангиз, руҳиятингизга ҳам таъсир қилади. Мен ҳам доимий равишда Жокернинг кулишини машқ қилардим, шунинг учун баъзида ақлдан озмаяпманми, деб ўйлардим, — дейди Хоакин.

Том Ҳолланд

“Ўргимчак одам”дан кейин драматик ролга тайёрланиш осон эмас. Аммо Том буни уддалайди. Бироқ актёрнинг сўзларига кўра, бунга жуда кўп куч сарфлаган. Билли Миллиганни ўйнаш шунчалик қийин бўладики, суратга олиш ишларидан сўнг Ҳолланд бир мунча вақт кинони тарк этади.

Бу образ менга жуда ёқди, лекин фильм мени синдирди. Дам олишим керак, деб ўйлаган пайтларимда йўқ бўлиб кетдим, бир ҳафтага Мексикага бордим, соҳилда бир оз вақт ўтказдим, ётдим — бир йил дам олдим. Бунинг сабаби роль жуда мураккаб эди.