Қойилмақом ижроси билан бош қаҳрамонлардан ҳам машҳур бўлиб кетган иккинчи даражали образлар (фото)

Мазкур актёрлар иккинчи даражали ролларни шу қадар яхши ижро этганки, натижада фильм бош қаҳрамонларини ўзларининг машҳурлик сояларида қолдириб кетган.

Жонни Депп

Фильм: “Кариб денгизи қароқчилари”

“Кариб денгизи қароқчилари” ҳақидаги фильмни кўрмаган одамни топиш қийин. Ушбу франшиза Жонни Деппнинг харизмаси туфайли деярли йигирма йилдан бери севиб томоша қилинади.

Аммо дастлаб, биринчи фильмда Депп шунчаки иккинчи даражали актёр эди, уни сиквелга таклиф қилиш режалаштирилмаган.

Бироқ Жонни шу қадар қувноқ ва унутилмас қароқчи образини яратадики, у бир зумда томошабинлар назарида бош қаҳрамонга айланади.

Актёр ўша пайтда анча машҳур бўлган Orlando Блум ва Кира Найтлини осонгина ортда қолдиради. Натижада йиллар ўтиб, Жонни Депп туфайли режиссёрлар фильмнинг режалаштирилган учта эмас, балки олтита қисмини суратга олади.

Том Круз

Фильм: “Омадсиз аскарлар”

Том Круз доимо қаергадир югуриб, ҳаммани нимадандир қутқариб қолишига томошабинлар ўрганиб қолган. Унинг ҳамкасблари ҳатто бу мавзуда ҳазиллашиб, Крузнинг диққат марказида бўлиш истагини масхара қилишади.

Бироқ актёр карьерасида биргина ажойиб фильм бор: бу рол асосий тугул, иккинчи даражали ҳам эмасди. Унинг роли жуда камтар бўлиб, фильм сюжетига деярли таъсир қилмасди. Бироқ шундай кичик ролда ҳам актёр фильмнинг энг эсда қоларли қисмига айлана олди.

Гап “Омадсиз аскарлар” комедияси ҳақида кетмоқда. Том Круз тошбағир ва жаҳлдор миллиардер Лесс Гроссман ролини ижро этган. Актёр ролининг аксарият қисмини импровизация қилган ва бу жуда табиий кўринади.

Натижада Круз ҳам фильмнинг бош қаҳрамонлари бўлган ўнга яқин А рўйхатидаги актёрларни истеъдоди билан ортда қолдиради.

Ума Турман

Фильм: “Жиноий асар”

Квентин Тарантинонинг култ фильми кўплаб киноманлар томонидан севиб томоша қилинади. Турли хил журналистлар режиссёрга ушбу фильм ҳақида мунтазам равишда саволлар беришади.

Лекин баъзида режиссёрдан бош қаҳрамонлар ҳақида ҳам сўрашади. Бироқ Тарантино кутилмаганда фильмнинг бош қаҳрамонлари Винсент Вега ва Жуис Уинфилдни эмас, балки Миа Уоллес образини ижро этган Ума Турманни эътироф этади.

Режиссёр, шунингдек, Миа Уоллес ўзи яратган энг яхши персонаж эканини таъкидлайди.

Рианна

Фильм: “Валериан ва минг сайёралар шаҳри”

Люк Бессоннинг фильмлари одатда кинода ҳақиқий култ ҳодисасидир. Бироқ уларнинг ҳаммасини ҳам муваффақиятли деб бўлмайди.

Мисол учун, яқинда “Валериан ва минг сайёралар шаҳри” илмий-фантастик фильми экранларга чиқди ва деярли дарҳол унутилди.

Фильмда чиройли графика, яхши сюжет, лекин жуда зерикарли бош қаҳрамонлар бор эди. Аммо барча актёрлар ичида фақат ажойиб қўшиқчи Рианнани эслаш мумкин, у ўзга сайёралик Баббл ролини жуда ажойиб ўйнаган.

Бироқ премьерада ҳам Рианна фильмнинг муваффақиятсиз актёрлари сабаб яна сояда қолди.

Кристоф Валс

Фильм: “Манфур кимсалар”

Валс виждонсиз ҳарбий жиноятчи ролини ўйнайди, лекин негадир томошабинлар бу персонажни ёмон кўрмайди, аксинча бу образ уларга ёқади. Актёр ушбу фильмга тўлиқ мос келадиган шундай харизматик образ яратадики, томошабинлар фильмдаги Брэд Питт каби юлдузларни ҳам унутиб қўйди.

Ўша пайтда Кристоф Валс унчалик танилмаган актёр эди, лекин у кўп йиллик тажрибага эга Голливуд актёрларини ортда қолдиришга муваффақ бўлди. Кейинчалик ҳатто Квентин Тарантинонинг ўзи ҳам (фильм режиссёри) Валс ролини жуда яхши ижро этганини тан олади.