Кўплаб актёрлар ўзининг қулай ҳудудини тарк этишдан қўрқади, аммо қийинчиликлар ҳаётни янада ранг-баранг қилади. Бундан ташқари, янги иш қилиш орқали ўзингиздаги сиз билмаган истеъдодларни кашф эта оласиз. Масалан, Леди Гагани олайлик: у бир неча йил аввал актёрлик оламида ўзини синаб кўришни бошлаган, ҳозирда эса у дунёга машҳур «Жокер» фильмининг давомида Ҳарли Квинн ролини ижро этиши кутилмоқда. AdMe нашри ҳар доим ўз маҳоратини оширишга интиладиган, ўзини янги йўналишда синаб кўриб, муваффаққиятга эришган машҳурлар ҳақида маълумот беради.
Тилда Суинтон
Тилда деярли 40 йил давомида фильмларда рол ижро этган ва ҳозиргача кутилмаган роллари билан мухлисларини ҳайратда қолдиришда давом этмоқда. «Суспирия» қўрқинчли фильмида у учта қаҳрамонни гавдалантирган: кекса психолог доктор Клемперер; рақс студияси раҳбари мадам Блан ва қадимги жодугар Елена Маркос. Катта эҳтимол билан киноижодкорлар камроқ актёрларга пул тўлашни ўйлаган бўлишини мумкин.
Ума Турман
Ума Турманнинг «Биллни ўлдириш» фильмидаги бош роли ва кинонинг давомий қисмларидаги ижроси унга осон бўлмаган. Актриса бир қатор янги кўникмаларни, жумладан учта кунг-фу услубини, иккита қилич билан жанг қилиш услубини ва япон тилини ўрганиши керак эди. Натижа ҳам шунга муносиб бўлди, Турман фильмдаги ижроси учун кўплаб мукофотларга сазовор бўлди.
Эмма Стоун
Эмма Стоун иштирокидаги «Осон фазилат» романтик комедияси катта муваффақият қозонди ва актриса бу жанрда фаолиятини давом эттириши мумкин эди. Аммо у бошқача йўналишда ижод қилишга қарор қилди. Кейинчалик Эмма Ўргимчак одамнинг севгилиси Гвен Стейси ролини ўйнади ва «Оскар» мукофотига сазовор бўлган «Ла Ла Ленд» фильмида бош ролни ҳам қўлга киритди.
Адам Драйвер
Адам Драйвер «Юлдузлар жанги» фильмида Кило Рен ролини ўйнади, бу рол у учун жуда муҳим ижролардан бирига айланди ва у ўзини синаб кўришга қарор қилди. Актёр дубллардан бош тортди ва барча ҳаракатларни ўзи бажаришни ўрганди. Каскадёр координаторининг таъкидлашича, кўплаб санъаткорлар ўзларининг трюкларини қилишни хоҳлайди, лекин улар бунинг уддасидан чиқмайди, чунки уларда айнан ўша образ сақланиб қолиши керак. Бироқ, Адам Драйвер шунчалик кўп меҳнат қилдики, у ўз маҳоратини оширди ва ажойиб натижаларга эришди.
Том Ҳенкс
«Форрест Гамп» фильмидаги роли билан танилган актёр 1995 йилдан буён «Ўйинчоқлар олами» фильмидаги Вудига овоз бериб келади. Қаҳрамон узоқ вақт давомида овоз берган бир нечта нюанслар мавжуд.
Биринчидан, овоз йиллар давомида жуда кўп ўзгариши мумкин. Аммо Ҳенкснинг таъкидлашича, унинг ёмон одатлари йўқлиги сабабли, иш унинг овозига ҳеч қандай таъсир қилмади. Иккинчидан, овоз бериш — бу берилган сатрларни шунчаки ўқиш эмас, балки қайси бири энг мос келишини тушуниш учун уларни турли ҳис-туйғулар билан бир неча марта ижро этишдир. Актёрнинг айтишича, у ҳар бир овоз ёзиш сеансидан кейин кўкрагида оғриқ сезган.
Куин Латифа
Куин Латифа ҳар доим кўп қиррали шахс сифатида танилиб келган: 1990 йилда у ўзининг реп йўналишидаги альбомларини чиқарган ва шу билан бирга фильмларда рол ўйнаган. Яқинда Латифа «Эквалайзер» сериалининг ижрочи продюсери бўлди ва унда бош ролни ижро этди. Куин бунинг учун ўзининг конфор зонасидан чиқиб кетиши кераклигини айтди. Актрисанинг таъкидлашича, бу иш уни чарчатган, бироқ у натижадан мамнун, чунки фильм томошабинларни хурсанд қила олишига ишонади.
Леди Гага
Леди Гага хонанда сифатида танилган, бироқ сўнгги пайтларда у ўзини актрисаликда синаб кўрмоқда. Хонанда «Американинг қўрқинчли ҳикояси» сериалининг бир неча фаслларида иштирок этган, шунингдек, у «Юлдуз туғилди» ва «Гуччи уйи» фильмларида рол ўйнади.
Сўнгги пайтларда ижтимоий тармоқларда хонанданинг Оскар мукофотига сазовор бўлган «Жокер» фильмининг давомий қисмида Ҳарли Квинн ролини ўйнаши ҳақидаги хабарлар муҳокама қилинмоқда. У ушбу фильмида актёр Ҳоакин Феникс билан бирга суратга тушади. Фильм 2024 йилда катта экранларга чиқиши режалаштирилган.
Мавзуга доир:
- Ташқи кўриниши бир хил: ҳамма доим бир-бири билан адаштирадиган машҳурлар (фото)
- Ота-онаси уларни қўллаб-қувватлаш учун қўлидан келган ҳамма нарсани қилган машҳурлар (фото)
- Ажойиб суратлар: Анжелина Жоли, Жони Депп, Киану Ривз ва бошқа машҳурлар биринчи ролини ижро этганда қандай кўринишда бўлган?
- Кейт Уинслет, Эмма Уотсон, Жонни Депп ва мухлисларига яхшилик қилиши билан эътиборга тушган бошқа машҳурлар
Изоҳ (0)