“Жон Уик 4” фильми премерадан сўнг илк дам олиш кунларида 130 миллион доллардан ортиқ даромад тўплади
Голливуд юлдузи Киану Ривз иштирокидаги “Жон Уик 4” фильми премерадан сўнг жаҳон прокатида 137,5 миллион доллар ишлаб топди. Бу 2014 йилда Lionsgate студияси томонидан суратга олина бошланган франшиза қисмлари ичида энг яхши натижа бўлди.
Ушбу маблағнинг 73,5 миллион доллари АҚШдан, 64 миллион доллари эса халқаро ҳудудлардан тўпланган. “Жон Уик” Lionsgate компаниясининг навбатдаги йирик хорижий лойиҳасига айланди.
Франшизанинг тўртинчи қисми қотил Уик (фильмда ушбу ролни Киану Ривз ижро этган) ва унинг кучли, янги душмани (Билл Скарсгард гавдалантирган образ) ўртасидаги қарама-қаршилик ҳақида. Шунингдек фильмда Донни Ен, Иан Макшейн ва Лоренс Фишбёрн каби актёрлар ҳам рол ижро этган ва унга Чед Стахелски режиссёрлик қилган.
“Жон Уик” фильми Киану Ривз иштирокидаги жанговар франшиза ҳисобланади. У рафиқаси вафот этганидан итининг ўлими учун қасос олишга қарор қилган истеъфодаги қотил ҳақида ҳикоя қилади. Бу қасос бутун дунё бўйлаб ёлланма аскарларни бошқарадиган махфий ташкилотга қарши очиқ урушга айланади. Фильмнинг тўртинчи қисмига келиб, Жон барча ёвузларни ўлдириб, эркинлигини қўлга кирицагина, қуёш ботишига кириши мумкинлиги аён бўлади. Ушбу қийин масалада унга эски танишлари ва ҳатто собиқ душманлари ёрдам беради.
