Голливуд юлдузларининг фарзандлари ёшлигиданоқ уларни келажакда нима кутаётганини яхши билади. Ота-онаси машҳур бўлган болалар уларнинг ҳурмат ва обрўси туфайли истаган нарсасини қўлга киритишига ёрдам беради. Аммо канадалик ва америкалик актёр Жим Керрининг ягона қизи Жейн бошқа йўлни танлади.
Жейн Керрининг илҳом манбаи
Фото: Ҳелло!
Жейнда болалигидан кучли характер шакллана бошлаган. У саккиз ёшга тўлганида қизнинг ота-онаси — Жим Керри ва актриса Мелисса Уомер расман ажрашди. Отаси қизи билан доимо яхши муносабатда бўлди. Жим қизи учун энг яхши ота бўлишга ҳаракат қилди. Актёр Жейнни тез-тез кўргани борар, унинг тарбиясида фаол иштирок этар эди. Жейн отасини болалигидан ўзининг асосий илҳом манбаи деб билган ва ҳозир ҳам шундай деб ҳисоблайди.
Жейннинг бутун болалиги ижодий муҳитда ўтди, шунинг учун у қўшиқчилик соҳасини танлади. 1994 йилда Жим Керри бош ролни ижро этган “Аҳмоқлардан аҳмоқроқ” комедияси 7 ёшли қизнинг ижодий фаолиятни бошланишига туртки бўлган.
Жейн Керри дуч келган қийинчиликлар
Фото: Дзен
Машҳурликка илк қадамни Жейн Америcан Идол шоусида иштирок этиш билан қўйди. Аммо барчага маълум отасининг фамилияси Жейннинг карьераси ривожланишига йўл қўймади. Кўпчилик уни машҳур инсоннинг яна бир иқтидорсиз қизи сифатида қабул қилди. Жейннинг барча саъй-ҳаракатлари ва қобилиятларини ҳеч ким ҳисобга олмади. Бундай ҳолат Жейннинг ҳаётида бир неча марта такрорланди.
Жейн Керри Америcан Идол кўрсатувида:
Вокал, актёрлик ва Жейн Керрининг шахсий шоуси
Шоу билан боғлиқ можародан кейин Жейн таслим бўлмади. У ўзининг “Тҳе Жейн Cаррей Банд” мусиқий гуруҳига асос солди, қўшиқлар ёзди ва бутун дунё бўйлаб гастрол сафарларига чиқа бошлади. Унинг бир нечта сингллари машҳур бўлди. Вокал соҳасидаги муваффақияти билан бир қаторда, Жейн ўзини актриса сифатида ҳам синаб кўрди ва бир нечта фильмларда иштирок этди.
Ҳозир Жейн Керри 36 ёшда, у ўзининг “Тҳе Жейн Керрй Show” деб номланган шоусини олиб бормоқда ва янги оригинал қўшиқларни ёзишда давом этмоқда. Унинг собиқ эри, мусиқачи Алекс Сантанадан Жексон исмли ўғли бор.
Жим Керри ва қизи ўртасидаги муносабатлар
Жейн ва Жим ўртасида доим илиқ ва ишончли ришталар бўлган. Ота ва қиз тез-тез мулоқот қилишади ва қизи фақатгина Жимдан турли масалаларда маслаҳат сўрайди. Мухлисларнинг фикрича, Жейн нафақат истеъдод ва меҳнатсеварлиги, балки ташқи кўриниши ва табассуми билан ҳам отасига жуда ўхшайди.
Изоҳ (0)