Хонанда ва актриса Селена Гомес тез-тез ҳейтерлар томонидан турли салбий фикрларга дуч келади. Жумладан, унинг ташқи кўриниши ва ортиқча вазни туфайли кўплаб Интернет фойдаланувчилари 32 ёшли юлдузни мунтазам танқид қилади, деб ёзади “Zakon.kz”.
Узоқ муддат давомида гормонли муолажалар билан даволаниш Селенанинг қоматига таъсир этмай қолмаган. Кескин вазн тўплаганига папарацсичилар турли ракурсдан олинган суратларни сариқ матбуотда эълон қилмагунича унчалик эътибор берилмаган. Суратларни кўрган мухлислар кумирини ўзини ташлаб қўйганликда айблаган.
Селена Гомес жорий йил октябрь ойида Лос Анжелесда бўлиб ўтган “Эмилия Перес” фильмининг конференциясига ташриф буюргач, TikTok фойдаланувчиларидан бири хонанданинг ташқи кўринишидан норози бўлган видеони тармоққа жойлади. Бошқа фойдаланувчилар ҳам мунозарага қўшилди ва ортиқча вазндан азият чекаётган юлдузни қоралай бошлади.
Лекин Селена ҳам жим қараб турмади — у изоҳларга кириб, бунинг сабабини тушунтирди:
“Менда ортиқча бактериал ўсиш синдроми ташхиси қўйилган. Вақти-вақти билан касаллик ёмонлашиб боради. Озғин кўринишда бўлмасам ҳам, майли, менга барибир. Танам гўзал бўлиши шарт эмас. Вассалом! Йўқ, мен қурбон эмасман, шунчаки оддий одамман”, дея Гомес салбий изоҳларга жавоб берди.
Гомес ёзган синдром белгиларига қорин дам бўлиши, ошқозон оғриши ва овқат ҳазм қилиш тизимида муаммолар киради.
Изоҳ (0)