Кўплаб аёллар машҳурларнинг гўзал қоматига ҳасад билан қарайди, ҳатто уларнинг баъзилари қаттиқ диета қилишига шубҳа қилмайдилар. Аммо ҳар қандай мазали таомларни бемалол еса-да, ажойиб кўринишга эга бўлган юлдузлар ҳақида маълумот берамиз.
Селена Гомес
Хонанда бир неча йил давомида аутоиммун касаллик бўлган қизил югурикдан даволаниши натижасида семириб кетган. Дастлаб Селена ташқи кўринишига салбий муносабатда бўлганларга фикр билдиришга қийналган, аммо кейинчалик улар билан курашишни ўрганган. Хейтерлар билан бўлган бу “дуэл” хонандага бир нечта чиройли қўшиқлар ёзишга ёрдам берди, шунингдек, ўз танасини севиб, қабул қилди. Ҳозирда Селена Гомес қизларни ўзини севишга ундайди.
Эмма Стоун
Голливуддаги энг кўп маош оладиган актрисалардан бири диетани ёмон кўриши ҳақида очиқ гапиради. Актриса ҳеч қачон овқатланишни қатъий чекламаган. Пилатес, юриш ва классик гимнастика машғулотлари унга қоматини мукаммал ҳолатда сақлашга ёрдам беради. Эмма хоҳлаган пайти ширин ёки шўр маҳсулотларни бемалол истеъмол қилишини тан олади.
Приянка Чопра
Чиройли қомат эгаси ва “Дунё гўзали 2000” ҳеч қачон диета қилмаслигини тан олади. “Мен столдаги ҳамма нарсани ейишим мумкин, — дейди Приянка Элле журналига берган интервьюсида. — Баффало қанотлари, пепперони пицца, чизбургер, стейк, бифштекс ва яна стейк! Худо менга яхши метаболизм берган ва мен ундан фойдаланишни бурчим деб биламан!” Приянка “генетик лотерея” ютганлардан бири — тезлашган метаболизм билан туғилган. Айнан бу нарса унга спорт залларига бормай, мазали таомларни рад қилмасдан қоматини сақлаб қолишга имкон беради.
Кейт Уинслет
Актриса ўзининг тўла қомати билан фахрланади ва уни турли кўринишларда намойиш этишдан қўрқмайди. Бироқ Кейт ҳеч қачон ташқи кўринишидан мамнун бўлган аёлни учратмаганини айтади. Актриса бу позицияга амал қилмайди, аксинча, ўз танасини яхши кўради. 2017 йилда диета ҳақида қайғуришни қандай тўхтатиш кераклиги сўралганда, Кейт шундай жавоб беради: “Мен вазним қанчалигини билмайман — 12 йилдан бери вазнимни ўлчамаганман. Менимча, бу энг яхши маслаҳат!”
Меган Фокс
Меган Фокснинг фотосуратларига қараб, у қатъий диетага риоя қилмаслигини тасаввур қилиш қийин. Албатта, Меган Фокс овқатланиш тартибини диққат билан кузатиб боради, аммо қатъий чекловларсиз. У япон ошхонасини афзал кўради, қайта ишланган овқатларни емайди ва ҳафтасига бир неча финжон қаҳва ичади, холос. Меганнинг таъкидлашича, у тез метаболизм туфайли гўзал қоматни сақлаб қолишга муваффақ бўлади.
Сальма Хайек
Мексикалик актрисанинг 57 ёшда эканлигига ишониш қийин — ҳозирда ҳам у ажойиб кўринади. Сальма Хайек ҳам қаттиқ диетага риоя қилмайди, ёғли овқатларни ҳам бемалол еяверади. Актриса узоқ вақт давомида диета қилолмаслигини тан олди, чунки овқат унинг энг заиф томони. Сальманинг ажойиб фигурасининг сирларидан бири бу — соғлом ва фаол ҳаёт тарзидир. Ҳатто оддий юриш ва югуриш ҳам танани тасаввур қилиб бўлмайдиган ўзгаришларга олиб келиши мумкин.
Изоҳ (0)