Disney нафақат Селена Гомесга, балки бошқа кўплаб юлдузларга ҳам шоу-бизнес эшикларини очди. Аввалига улар ўсмирлар ҳақидаги телесериалларда иштирок этишади, кейин эса миллионлаб одамларнинг кумирларига айланишади.
Селена Гомес
Машҳур “Вэйверли Плэйс сеҳргарлари” сериалида бош ролни ўйнагунига қадар Селена Гомесни актриса сифатида деярли ҳеч ким билмасди. Аммо оддийгина қиз бир зумда юлдузга айланади. У бошқа фильмларга ҳам таклифлар ола бошлайди.
Ўша пайтда Гомес атиги уч йил давом этган Selena Gomes&the Scene гуруҳининг аъзоси эди. Аммо кейин қўшиқчи дунё чартларини портлатиб, яккахон карьерасини бошлайди.
Бугунги кунга қадар Селена “ҳамманинг оғзидаги” энг машҳур қўшиқчилардан бири ҳисобланади.
Майли Сайрус
Агар “Ҳанна Монтана”ни томоша қилсангиз, Майли Сайрус нима учун машҳур бўлганини биласиз. Чунки Disney’нинг бу сериали барча рекордларни янгилайди ва кўплаб актёрларга оламшумул машҳурлик келтиради. Айнан шу сериалда Сайрус биринчи қўшиғини ижро этади. Disney ҳатто машҳур композициялардан иборат алоҳида альбом чиқаради.
Деми Ловато
“Барни ва унинг дўстлари” мультфильми Демининг кино карьерасидаги бошланиш нуқта бўлади. Аммо ҳақиқий машҳурликка сабаб бўлган нарса Disney каналининг “Рок ёзги оромгоҳда” фильми бўлиб, кинокартинада у машҳур ака-ука Жонаслар билан рол ўйнаган. Актрисалик карьерасига қўшимча равишда, юлдуз мусиқа саноатига ўтади. Биринчи дебют альбоми “Don’t Forget” дарҳол Billboard 200 чартида иккинчи ўринни эгаллайди.
Ҳозирда хонанданинг қўшиқлари жуда машҳур. Унинг Қўшма Штатларда 24 миллиондан ортиқ пластинкаси сотилган, хонанда кўплаб мукофотларга, жумладан, МTV Видео Music Award мукофотига сазовор бўлган. Бундан ташқари, Деми теледастур тарихидаги Х Factor ҳакамлар ҳайъатининг энг ёш аъзосига айланиб, Гиннеснинг рекордлар китобини янгилашга муваффақ бўлади.
Ака-ука Жонаслар
“Ҳанна Монтана”да пайдо бўлишидан олдин ҳам ака-ука Жонаслар жуда машҳур эди ва фильмда суратга тушиш уларнинг Disney билан ҳамкорлигининг бошланғич нуқтаси бўлади. Кейин ака-ука алоҳида сериалларда рол ўйнашади, бу эса уларнинг машҳурлигини янада оширади. Айнан ўша пайтда қўшиқчилар яккахон карьераларини қуришни бошлайди. Аммо бу узоқ давом этмайди, уларнинг гуруҳи фақат бир неча йил фаолият юритади холос.
Кейинчалик Jonas Brothers’нинг ажралиши катта резонансга сабаб бўлди, аммо Кевин, Жо ва Ник ажойиб яккахон карьера қуришга муваффақ бўлади — ҳозир улар ҳар қачонгидан ҳам машҳур.
Изоҳ (0)