Шундай санъаткорлар борки, улар хонандаликда ҳам, актёрлик фаолиятида ҳам яхши натижаларга эришган. Бундай омад ва имконият барчага берилмаган, лекин муваффақият ўз устида ишловчиларга келиши қуйидаги актёр ва қўшиқчиларда ўз исботини топган.
Женнифер Лопез
Ёшлигидан қўшиқчилик ва актёрлик соҳасида баравар фаолият олиб борган Женнифер Лопез миллионлаб мухлислар қалбидан жой олган. Унинг тароналари дунё топ қўшиқлари босқичига чиққан, “Тўй ташкилотчиси” комедияси эса барча томошабинларга табассум улашган. Бироқ, Лопез хонандалик фаолиятини бир неча йил ичида якунлаши ҳақида айтиб ўтганди. Унинг яқинда намойиш этилган “Тhis is me… Nоw” альбоми сўнгги асари бўлиши мумкин.
Леди Гага
Кино, мусиқа, тадбиркорлик… Леди Гага фаолияти билан боғлиқ рўйхатни яна давом эттириш мумкин. У 2023 йилда “Joker” фильмининг иккинчи қисмида Хоакин Феникс билан суратга тушган. Бундан аввал у “Тhе Chromatica Ball” концертлар турини якунлаган эди. Қизиқ, қўшиқчи дам олишга улгурармикан?
Ариана Гранде
Бетакрор хонанда Ариананинг фаолияти кинодан бошланган бўлса-да, кўпчилик уни хонанда сифатида танийди. У кино саноатидаги карьерасини “Ғолиб Виктория” сериалидан бошлаган. 2023 йилдан бери хонанда “Wisced” номли тўлиқ метражли мюзикл устида қизғин ишлар олиб бормоқда. Премьера 24 ноябрда бўлиши кутилмоқда.
Селена Гомес
Селена Гомес илк бор “Disney” болалар телеканалидаги кўрсатувда телебошловчи сифатида иш бошлаган. Деми Ловато ва Майли Сайрус билан биргаликда суратга тушган сериали унга машҳурлик олиб келди. “Бейверли плейс сеҳргарлари” комедиясидаги ижроси учун “Кids Choise Awards” ва “ALMA Award” мукофотларини қўлга киритди. 2008 йилда “Золушканинг яна бир ҳикояси” фильмида Селена асосий ролни ижро этди.
Гомес ўз истеъдодини бошқа йўналишларда ҳам намойиш этди. Мухлислар уни дубляж актрисаси, қўшиқчи, қўшиқлар муаллифи, бастакор, продюсер, дизайнер ва модел сифатида ҳам яхши билади. Машҳур юлдуз хайрия ишларига ҳам эътибор қаратади ва UNICEF’нинг кўнгилли вакили ҳамдир.
Джаред Лето
Джаред Летонинг роллари кўплаб танқидга учраган, аммо у муваффақиятли актёр бўлишдан тўхтамайди. У “Морбиус”, “Ўз жонига қасд қилувчилар гуруҳи” ва “Гуччи уйи” фильмларида ўйнаган. Мусиқа соҳасида ҳам Лето қизғин ишлар олиб бормоқда. Масалан, у 2023 йил кузида “Тirty Seconds tо Маrs” гуруҳи билан биргаликда “It’s Тhе End оф thе World, but It’s Beautiful Day” номли мусиқий альбом чиқарди ва у мухлислар томонидан юқори баҳоланди.
Изоҳ (0)