Детектив мухлисларини экран қаршисига михлаб қўядиган энг қизиқарли янги фильмлар ҳақида маълумот берамиз.
“Ҳақиқий детектив: Тунлар мамлакати”
Култ сериалнинг тўртинчи мавсуми “совуқ, қоронғи ва максимал даражада қизиқарли” бўлиши ваъда қилинмоқда. Энди асосий қаҳрамонлар сифатида икки аёл-полициячи танланган, фонда Билли Айлишнинг треки эшитилади, воқеалар эса Аляскадаги кончилар шаҳарчасида содир бўлади. У ерда илмий-тадқиқот станциясининг ходимлари йўқолган. Жоди Фостернинг қаҳрамони уларни тирик топа олмасликларига ишончи комил.
“Қотил”
Янги сериал Майк Омернинг жаҳон бесцеллерига асосланган. Лойиҳанинг роман билан кўп умумий жиҳатлари бор: гарчи фильм ижодкорлари Чикагони Санкт-Петербургга алмаштирган ва персонажларни қайта номлаган бўлса-да, қизиқарли сюжет, охиригача ушлаб турадиган интрига ва психологизм “ўз ўрнида” қолган. Албатта, номаълум қизларни ҳайкалларга айлантирувчи серияли қотилнинг даҳшатли ҳикояси ҳам томошабинни бефарқ қолдирмайди. Зоя Волгина эса бу иш билан шуғулланади. У қотилни топади, лекин асосийси — унинг нима учун бундай қилишини тушунишга ҳаракат қилади.
“Битта бинодаги қотилликлар”
Қотилликлар кўп қаватли элита уйда содир бўлади. Асосий қаҳрамонларни Стив Мартин, Мартин Шорт ва Селена Гомес ўйнаган. Миш-мишларга кўра, тўртинчи мавсумда ҳам бу афсонавий рўйхат ўзгармаган, бироқ воқеа жойи Лос-Анжелесга алмашади. Учинчи мавсум охирида уларга Мерил Стрип ҳам қўшилади.
“Жаноб Спейд”
“Қироличанинг юриши” режиссёри Скотт Фрэнк яна бир ажойиб картина “Жаноб Спейд”ни тақдим этди. Фильмда ҳаммаси классика бўйича: Франция, 60 йиллар, кичик шаҳарча ва олти руҳонийнинг кутилмаган сирли ўлими. Воқеани текширишни нафақадаги хусусий детектив ўз зиммасига олади. Бир гувоҳнинг сўзларига кўра, қотил монастирдан алжирлик болани қидирган. Шундан сўнг янада ғалати воқеалар содир бўлади, барча иплар ўзига хос қобилиятларга эга бўлган сирли болага олиб боради.
“Янги келган”
Найтан Филлион ижросидаги Жон Нолан — полиция бўлимида ҳали “янги” — дарҳол томошабинларнинг кўнглидан жой олади. Сюжетга кўра, Жоннинг ҳаёти кутилмаганда ўзгариб кетади. У банкдаги ўғриликка гувоҳ бўлади, ҳаяжонланганидан қўрқувни унутиб, жиноятчи билан гаплашишга уринади, бу эса бир сония бўлса-да, ўзини қаҳрамондек ҳис қилишига олиб келади. Гарчи келишишга уриниш натижа бермаган бўлса-да, унинг қалбида одамларни қутқариш истаги янада кучаяди. Шу туфайли Жон полиция академиясига қабул қилинади, у ерда 40 ёшли энг кекса курсант бўлади. Аммо ҳамма ўрта ёш инқирози ҳақида ҳазил қилса-да, у ўзининг касбий лаёқатини исботлайди. Жоннинг зиммасида ўнлаб очиқ ишлар мавжуд ва буларнинг барчасини фош қилиши керак.
Изоҳ (0)