Тўйлар мавсуми ҳам ўз ниҳоясига етмоқда, Голливудда эса келинлар сони ортиб бормоқда. Қуйида ўзининг тўй маросимига қизғин тайёргарлик кўраётган юлдузли жуфтликларни кўриб чиқамиз.
Леди Гага ва Майкл Полански
Хонанда Леди Гаганинг номсиз бармоғидаги узук биринчи марта апрель ойида папарассига тушиб қолган эди. Ушбу суратларга хонанда изоҳ беришдан бош тортди, бироқ орадан бир неча ой ўтгач, у ўзининг турмушга чиқаётгани ҳақидаги хабарларни тасдиқлади: Леди Гага Франция бош вазири Майкл Полански билан унаштирилганини эълон қилди.
Инсайдерлар фикрига кўра, жуфтлик аллақачон тўйга боғлиқ барча режаларни тузиб чиққан ва ҳозирда тўй маросимини Европада ўтказиш масаласини кўриб чиқмоқда.
Адел ва Рич Пол
Узоқ муддат давомида муносабатларини оммадан яшириб келган яна бир жуфтлик — Адел ва Рич Пол ҳам унаштирилганлигини эълон қилди. Маълум бўлишича, спорт агенти ўтган йили хонанданинг қўлини сўраган.
Яқинда Германияда бўлиб Аделниг навбатдаги концерт дастурида мухлислардан бири унга турмушга чиқишини сўради. Адел бунга жавобан:
“Мен бундай қила олмайман, чунки аллақачон турмушга чиқяпман”, дея тан олди ва саксон минг киши тўпланган стадионда ўзининг унаштирув узугини намойиш қилди — “Таклифингизни қадрлайман ва сизга катта раҳмат айтаман”, деди хонанда.
“I can’t marry you because I’m already getting married” ADELE FUCKING ADKINS!!!!!!!! pic.twitter.com/x3cAnt9RVF
— Tin🪐 (@DiaryofDelly) August 9, 2024
Ҳолзи ва Эван Жогиа
Асл исми Эшли Николетт бўлган хонанда Ҳолзи ҳам шахсий ҳаёти ҳақида мухлислари билан кам бўлишади. Юлдуз ҳатто қаллиғи Эван Жогиа билан бирга тушган расмлари интернетда тарқалса ҳам журналистларга бу ҳақда изоҳ беришни истамайди.
Яқинда жуфтлик ижтимоий тадбирга ташриф буюрганда хонанданинг бармоғидаги зумрад узук кўпчиликнинг эътиборини тортди. Миш-мишларга қараганда, Ҳолзи Ва Эван яқин орада турмуш қуриш истагида.
Зои Кравиц ва Чэннинг Татум
Америкалик актриса ва хонанда Зои Кравиц актёр Ченнинг Татум билан унаштирилганига бир йилдан ошди. Жуфтлик уч йил аввал тасодифан танишиб қолган эди. Ҳозирча улар расман турмуш қуриш масаласини бир оз кечроққа қолдирган. Аммо баъзи инсайдерлар Зои ва Ченнинг яширинча турмуш қуришган, дея тахмин қилмоқда.
Дакота Жонсон ва Крис Мартин
Маълумотларга кўра, Крис Мартин актриса Дакота Жонсонга 2023 йил октябрь ойида турмуш қуришни таклиф қилган, бироқ машҳурлар мухлисларга ушбу қувончли хабарни айтишга ҳали тайёр эмас.
Селена Гомес ва Бенни Бланко
Ўтган йилнинг охирида Селена ўзининг ҳамкасби, мусиқий продюсер Бенни Бланко билан учрашаётганини маълум қилган эди. Хонанда қаллиғи билан тушган суратларини Instagramъда тез-тез жойлаштириб туради. Инсайдерларнинг таъкидлашича, санъаткорлар муносабатларини қонунийлаштиришга тайёр ва ҳатто фарзанд кўришни режалаштирмоқда.
Эмма Робертс ва Коди Жон
Селена Гомесдан фарқли ўлароқ Эмма Робертс ўзининг турмуш қураётганини яшириб ўтирмади. Коди Жон унинг қўлини сўраган куннинг ўзидаёқ бу хушхабарни барчага эълон қилди. Актриса жойлаштирган сурат остида қизиқарли изоҳ қолдирди:
“Онам барчага тўйим бўлаётгани ҳақида эълон қилмасидан ўзим айтиб қўя қолай!”
Изоҳ (0)