Голливуд юлдузлари орасида бир неча йиллардан буён оғир хасталиклар билан курашиб келаётганлари ҳам бор. Уларнинг айримлари карьерасини касалликлар сабаб якунлаган бўлса, айримлари шу ҳолатда бўлса ҳам мухлислари учун янги ижод намуналарини тақдим этмоқда.
Брюс Уиллис — деменция
Ўтган йили актёр мулоқот қобилиятига таъсир қилувчи афазия касаллигига чалинганидан сўнг актёрлик фаолиятини якунлади. Вақт ўтиб Уиллиснинг оила аъзолари “Ўтда ёнмас” юлдузига деменция ташхиси қўйилганлигини эълон қилди, шифокорларнинг фикрига кўра, бу касалликка чалинган инсонлар атиги 5-7 йил яшайди. Ҳозирда қадар бу касалликнинг давоси топилмаган.
Чарли Шин — ОИВ
Актёр 2015 йилда ОИВ касаллигига чалинганини тан олди. Шиннинг айтишича, у шантаж ва пул ундиришни тўхтатиш учун касаллигини оммага ошкор қилган.
Хю Жекман — саратон касаллиги
2013 йилда актёрга тери саратонининг бир тури бўлган базал ҳужайрали карсинома ташхиси қўйилган. Шундан кейин касаллик вақти-вақти билан ўзини эслатиб туради ва Жекман яна биопсиядан ўтади. У обуначиларга натижалар ҳақида гапириб, уларни соғлиғини кузатишга ва қуёшдан ҳимояловчи кремлардан фойдаланишга ундайди.
Леди Гага — фибромиялгия
Машҳур хонанда мушаклар, лигаментлар ва тендонларда кучли оғриқлар келтириб чиқарадиган сурункали касалликдан азият чекади. Леди Гага 2017 йилда унга шу касаллик ташхиси қўйилгани ҳақида гапириб берган.
Бу касалликка чалинган инсонлар диққатни жамлаш ва ухлашда қийинчиликларга дуч келади. Касалликдан халос бўлиш мумкин эмас, аммо терапия симптомларни енгиллаштириши мумкин, хонанда бир марта қаттиқ оғриқ билан касалхонага ётқизилганлиги сабабли концерт дастурини кечиктиришга мажбур бўлган.
Селена Гомес — волчанка
2015 йилда хонанда унга тошмалар, чарчоқ ва бўғимларда ноқулайлик туғдирадиган яллиғланиш касаллиги — волчанка ташхиси қўйилганлигини маълум қилган. Даволанишга қарамай, ундаги волчанка касаллиги ривожланди ва Селена 2017 йилда буйрак трансплантациясини бошдан кечирди.
Майкл Жей Фокс — Паркинсон касаллиги
“Келажакка қайтиб” фильми актёри Майкл Жей Фокс1998 йилда миядаги нерв ҳужайраларига, мушаклар фаолияти ва нутқига таъсир қилувчи Паркинсон касаллигига чалинганини маълум қилди. Фокс ўз ташхисини етти йил давомида сир тутди, актёрга 1991 йилда, у атиги 30 ёшда бўлганида касаллик ташхиси қўйилган. Майкл аҳволи ёмонлашганлиги сабабли актёрлик фаолиятини тўхтатди, бироқ ўз ҳаётини касалликнинг давосини топишга бағишлади. Бугунги кунга қадар унинг жамғармаси тиббий тадқиқотлар учун 800 миллион доллардан ортиқ маблағ ажратди.
Селма Блер — склероз
Актрисага 2018 йилнинг октябрь ойида мия ва марказий асаб тизимига таъсир қилувчи склероз касаллиги ташхиси қўйилди. Блер узоқ вақт давомида симптомларни сезганини тан олди, аммо у буни асаб системасидаги муаммолар билан боғлади. Селма касаллик туфайли ҳасса билан юради. 2019 йилда актриса овозини бузган спазмодик дисфониядан ҳам азият чекаётганини тан олди.
Ҳолли Берри — қандли диабет
Актриса 22 ёшидан бери 2-тоифа қандли диабет билан курашмоқда ва унинг атрофидаги инсонлар бу ҳақда ҳатто билишмайди. Гап шундаки, Ҳолли касаллик унинг ўлим жазосига айланмайдиган тарзда яшашни ўрганди.
“Мен қандли диабет билан курашишни ўрганганимдан кейин соғлом бўлдим. Ҳаёт тарзимни ўзгартиришим ва олти ойдан кейин воз кечишим мумкин бўлган қандли диэтага риоя қилишим керак эмаслигини қабул қилиш учун баъзи қўрқинчли вазиятларни бошдан кечиришим керак эди”, — дейди Ҳолли.
Мелани Гриффит — эпилепсия
Актриса Антонио Бандерас билан турмуш қурганида, тутқаноқни бошдан кечира бошлади. Тасаввур қилинг-а, Мелани текширувдан сўнг даҳшатли ташхисни — эпилепсияни эшитганида ҳайратда қолди. Кейинчалик Гриффит стресснинг шу касалликка олиб келишини айтди. Бироқ бундан ҳам ҳайратланарлиси унинг даво топиш тарихи эди — актриса испаниялик актёр билан ажрашгандан сўнг, уни тутқаноқ тутмаётганини билиб қолди.
Ариана Гранде — оғир турдаги давомий стресс
2018 йилги Billboard Music Awards маросимида Ариана Гранде оғир турдаги стрессдан азият чекаётганини тан олди. Касаллик оғир стресс натижасида юзага келади ва руҳий ҳолатга таъсир кўрсатади. Ариана бу ҳақда 2017 йилдаги Манчестердаги концертида 22 кишининг ҳаётига зомин бўган терактдан сўнг билиб олди. Хонанда 2019 йилда касалликнинг қандай кечганини айтиб бериш учун ҳатто миясининг МРТ мухлисларига кўрсатди.
Изоҳ (0)