Австралиялик актриса ва продюсер Марго Робби биринчи фарзандини дунёга келтирди, дея хабар берди Kino.mail.ru.
34 ёшли актриса 17 октябрь куни ўғил фарзандни дунёга келтирган. Аввалига чақалоқ дунёга келгани ҳақидаги хабарни Маргонинг дўстлари ва қариндошлари сир тутди. Бироқ “бобо ва бувилар янги туғилган чақалоқни кутиб олиш учун Лос-Анжелесга учишга тайёрланмоқда, бу бола Марго қариндошлари учун ўн иккинчи набирадир”, дейилади манбада.
Туғуруқ жараёни яхши ўтгани айтилмоқда. Бундан аввал актрисанинг турмуш ўртоғи Том Акерли Лос Анжелесда болалар учун буюмлар харид қилаётганида папарацсига тушиб қолган.
Робби ўзининг бўлажак турмуш ўртоғи Том Акерли билан 2013 йилда “Французча Сюита” драмасининг суратга олиш майдончасида танишган. Том режиссёрнинг ёрдамчиси бўлган ва актриса эса лойиҳада суратга тушаётган эди. Жуфтлик муносабатларини сир сақлаган. Уларнинг никоҳ маросими 2016 йилда бўлиб ўтган.
Изоҳ (0)