Машҳурларнинг шахсий ҳаёти доимо жамоатчиликда қизиқиш уйғотади. Катта муваффақият бўлган жойда одатда пул кўп бўлади. Бадавлат актрисалар ҳақида гап кетганда, биз биринчи навбатда Марго Робби, Эмма Стоун, Анжелина Жолини кўз олдимизга келтирамиз. Улар йилига ўн миллион долларгача даромадга чиқа олади.
Аммо дунёдаги энг бой Голливуд актрисаси ҳозирда кўпчилик унутган аёл — Жейми Герцдир.
Ушбу актрисани энг кўп даромадга эга Голливуд юлдузларидан бири сифатида таснифлаш тўғрими ёки йўқ, билмаймиз, чунки у ўз бойлигини фильмларда суратга тушиш орқали топмаган. Унинг капитали 3 миллиард долларга баҳоланган.
Америкалик актриса Жейми Герц 1965 йилнинг 28 октябрь санасида Чикаго чеккасидаги Парк-Рижда туғилган. У “Адашган йигитлар”, “Даллол”, “Нолдан кам” каби фильмлардаги роллари билан танилган. Актриса турмуш ўртоғи Энтони Ресслер ва уч нафар ўғли билан Лос-Анжелеснинг Беверли Ҳиллс шаҳрида яшайди.
Голливуд стандартлари бўйича ҳам фильм ва телесериаллар суратга олиш орқали бундай пул ишлаб бўлмаслиги аниқ. 1990 йилларнинг ўрталарида Герц кинодан узоқлашди ва эҳтимол ҳеч ким буни сезмади. Сўнг у инвестиция операцияларига эътибор қаратади.
Фото: Дзен
Ҳозирда Герц муваффақиятли инвестор. У пулни оқилона бошқаради, турли бизнесларга сармоя киритади ва АҚШнинг бир қанча йирик спорт клубларининг катта улушларига эгалик қилади. Инвестициялар олиб келадиган даромад юқори бўлгани учун Жейми актрисалик билан шуғулланиши шарт эмас.
Албатта, молия йўналишида иш бошлаш учун ҳар қандай бизнесда бошланғич капитал зарур. Ундай бўлса собиқ актриса шунча пулни қаердан олди? Гап шундаки, Жеймининг турмуш ўртоғи Тони Ресслер америкалик бизнесмен ва миллиардердир. Унинг бойлиги 7,5 миллиард долларга баҳоланган.
Изоҳ (0)