Дам олиш кунларига кинотавсия: 2000 йилларнинг қадрдон комедиялари

Кўнгил очадиган, кайфиятингизни кўтарадиган ва фикрлаш учун озуқа берадиган энг яхши қадрдон фильмлар рўйхати билан танишинг.

“Балки бу абадийдир”, (2019)

• Режиссёр: Наҳнатчка Хан
• Ролларда: Али Вонг, Рендалл Парк, Жеймс Сайто, Мишел Бюто, Вивиан Банг, Kiaну Ривз

Болаликдаги икки дўст 15 йилдан кейин учрашади ва улар орасида яна муҳаббат учқунлайди. Қиз муваффақиятли бош ошпаз, йигит эса ҳали ҳам она шаҳрида яшайдиган ҳаваскор мусиқачи.

“Келажакдан келган йигит”,  (2013)

• Режиссёр: Ричард Кертис
• Ролларда: Донал Глисон, Рейчел Макадамс, Билл Найи, Том Ҳолландер, Марго Робби

Мазкур фильм ҳар бир лаҳзани қадрлаш ва энг оддий нарсалардан ҳам гўзалликни кўриш мумкинлиги ҳақида. Сюжет вақт саёҳати концепциясига асосланган, аммо у мутлақо ноодатий тарзда амалга оширилади. 

“Дик ва Жейн”, (2005)

• Режиссёр: Дин Парисот
• Ролларда: Жим Керри, Теа Леони, Алек Болдуин, Ричард Женкинс, Анги Ҳармон

Фильмда йирик корпорациянинг юқори лавозим ходими Дик (Керри) компания ўзини банкрот деб эълон қилишидан бир неча соат олдин янада катта лавозимга кўтарилади. Унинг рафиқаси Жейн (Теа Леони) вақтини фарзанди ва оиласига бағишлаш учун ишдан бўшаганди. Ишларидан айрилган эр-хотин қандай қилиб бўлса ҳам яшаб қолишга ҳаракат қилади ва кейин фирибгарлик схемаларига аралашиб қолади.

“Чин муҳаббат” (2003)

• Режиссёр: Ричард Кертис
• Ролларда: Хью Грант, Билл Найи, Лиам Нисон, Эмма Томпсон

Барча даврларнинг энг яхши романтик фильмларидан бири. Фильм қаҳрамонлари орасида котибасига ошиқ бўлган ёш бош вазир, дўстининг гўзал қаллиғини севиб қолган йигит ва муҳаббатдан ҳафсаласи пир бўлган ёлғиз ёзувчи ҳам бор. Уларнинг ҳикоялари бир-бирига боғлиқ ва бир вақтнинг ўзида бир-биридан мустақил равишда ривожланади.

“13 дан 30 гача”  (2004)

• Режиссёр: Гари Виник
• Ролларда: Женнифер Гарнер, Марк Руффало, Жуди Грир, Энди Серкис

1987 йилда яшовчи 13 ёшли Женна тезроқ катта бўлишни хоҳлайди. У 30 ёшли гўзал қиз бўлишни орзу қилади ва қизнинг бу орзуси амалга ошади. Қаҳрамон 2004 йилда машҳур журналнинг гўзал муҳаррири сифатида уйғонади ва болаликдаги дўстини севиб қолади.

“Огоҳлантириб севиш” (2003)

• Режиссёр: Марк Лоуренс
• Ролларда: Сандра Буллок, Ҳю Грант, Алисия Витт, Дана Ивей, Роберт Клеин

Ёш Ҳю Грант ва Сандра Буллокнинг ҳаяжонли дуэти. Ўзи ва атрофидагиларига нисбатан талабчан Люси исмли бош қаҳрамон нуфузли юридик корпорацияда бош маслаҳатчи лавозимидан кетишга қарор қилади. Бунинг сабаби шундаки, у хўжайинига “энагалик қилиш”дан жуда чарчаган — раҳбари усиз бир қадам ҳам боса олмайди. Ёрдамчисига мафтун бўлган миллионер Жорж Люсини ишдан бўшатишга рози, фақат бир шарт билан: Люси икки ҳафта ичида ўрнига бошқа ходим топиши керак. Бундай одамни топиш осон эмас, Жорж ҳам ўзининг содиқ ёрдамчисисиз қолишни истамайди.

“Йигитим — телба” (2012)

• Режиссёр: Девид О. Расселл
• Ролларда: Бредли Купер, Женнифер Лоуренс, Роберт Де Ниро, Жеки Уивер, Крис Такер

Фильмда Бредли Купер биполяр бузилиш ташхиси қўйилган одамни ўйнайди, у саккиз ой руҳий шифохонада бўлганидан кейин ҳаётини тиклашга ва хотинини қайтаришга ҳаракат қилади. Бир мунча вақт у ҳаваскор рақс танловида иштирок этиш эвазига оиласини тиклашга ёрдам беришга ваъда берган ёш бева аёл (Женнифер Лоуренс) билан учрашиб юради. Бир-бирига ҳаётдан маъно топишга ёрдам берадиган икки яраланган қалб ҳақидаги драматик комедия.

“Париждаги ярим тун” (2011)

• Режиссёр: Вуди Аллен
• Ролларда: Оуэн Уилсон, Марион Котиляр, Рейчел Макадамс, Майкл Шин, Кети Бейц

Вақтлараро саёҳатни ўз ичига олган Рейчел МакАдамснинг яна бир фильми. Бош қаҳрамон ёш ёзувчи (Оуэн Уилсон) қаллиғи ва унинг ота-онаси билан Парижга келади ва тунги Париж хаёлларига берилиб кетади. У том маънода ўтмишга шўнғийди ва кумирлари — Ҳемингуэй, Пикассо, Дали, Бунуэл, Гертруда Штайн ва бошқалар билан учрашади.

“Паддингтоннинг саргузаштлари” (2014)

Режиссёр: Пол Кинг

Ролларда: Бен Уишоу, Никол Кидман, Хью Бонневил, Салли Хокинс, Жули Уолтерс

Ушбу оилавий комедия, албатта, сизнинг оқшомингизни мароқли ўтишини таъминлайди. Бир куни гапиришни биладиган айиқ Перудан Англияга келади. Вокзалда у Браунлар оиласи билан танишиб қолади ва оила жониворни уйига олиб кетади. Паддингтонни янги ва қизиқарли ҳаёт кутаётганга ўхшарди, аммо тўсатдан таксидермист бўлиб ишлайдиган аёл ундан музей учун экспонат сифатида фойдаланмоқчи бўлади.

“Вегасдаги бўйдоқлик базми”, (2009)

• Режиссёр: Тодд Филлипс
• Ролларда: Бредли Купер, Эд Хелмс, Зак Галифианакис, Жастин Барта, Хезер Грем

Уч қадрдон дўст Вегасда унутилмас бўйдоқлик кечасини ўтказишни режалаштиради. Аммо эрталабгача давом этган базмдан сўнг, улар нималар қилишганини эслашолмайди: меҳмонхона хонасидаги шкафда ўтирган болакай кимники? Қандай қилиб йўлбарс ҳаммомга кириб қолган? Нима учун улардан бирининг тиши синган? Ва, энг муҳими, куёв қаерга кетди?