Бир-бирига қуйиб қўйгандек ўхшайдиган Голливуд юлдузлари (фото)

Голливуд шу қадар кўп сонли юлдузларни “ишлаб чиқаради”ки, уларнинг баъзиларини бир-бирининг нусхаси дейиш ҳам мумкин.

Тенди Ньютон ва Зои Салдана

Тенди Ньютон:  “Ёввойи Ғарб дунёси”, “Рокен ролчи”, “Бахт ортидан” фильмлари.

Зои Салдана: “Аватар”, “Галактика қўриқчилари” фильмлари.

2018 йилда Грэм Нортон шоусида “Ёввойи Ғарб дунёси” юлдузи Тенди Ньютон фитнес дарсида Виктория Бекҳэм уни Зои Салдана билан адаштирганини тан олади. Журналист Жеймс Корденга берган интервьюсида Зои Салдананинг айтишича, унинг онаси бир марта “Ёввойи Ғарб дунёси” фильмининг суратга олиш жараёни қандай ўтганини сўраган. Қизи бу сериалда ҳеч қачон ўйнамаганлигини айтганида унинг ҳайратини тасаввур қилинг. Ҳатто қариндошлар ҳам бу икки актрисани чалкаштириб юборишса, оддий томошабинлар ҳақида нима дейиш мумкин.

Генри Кевилл ва Мэтт Бомер

Генри Кевилл: “Жодугар”, “U.N.C.L.E.дан келган жосуслар”, “Бэтмен Суперменга қарши”

Мэтт Бомер: “Американча даҳшатли ҳикоя”, “Оқ ёқа”, “Телба патрул”.

Бугунги кунда Мэтт Бомер машҳурлиги бўйича Генри Кевилдан анча паст бўлишига қарамай, иккала актёр ҳам ташқи кўриниши билан ҳайратланарли даражада ўхшаш.

Кети Перри ва Зои Дешанель

Кети Перри: “I Кissed а Girl”, “ТееnаgеDream”, “Rоаr” сингиллари.

Зои Дешанель: “Ёзнинг 500 куни”, “Фақат ‘ҳа’ де”, “Янги келган қиз” фильмлари.

Кети Перри ва Зои Дешанель турли соҳаларда машҳур — бири поп юлдузи, иккинчиси истеъдодли актриса. Бундан ташқари, Кети Перри ёрқин ва экстравагант либосларни яхши кўради, Зои Дешанель эса ноодатий услублар ва романтик кўринишларни афзал кўради. Аммо бу фарқларга қарамай, машҳурларни ташқи кўринишдан адаштириш мумкин.

Хавьер Бардем ва Жеффри Дин Морган

Хавьер Бардем: “Қарияларга жой йўқ”, “Викки Кристина Барселона”, “Она!”, “Кариб денгизи қароқчилари: мурдалар гапирмайди”.

Жеффри Дин Морган: “Ғайритабиий”, “Тирик мурдалар”.

Афтидан, темпераментли ва харизматик испаниялик Хавьер Бардемни ҳеч ким билан адаштириб бўлмайди, деб ўйларсиз. Аммо 2005 йилда “Ғайритабиий” сериали чиққанида томошабинлар ҳайратда қолади, чунки экранда улар бош қаҳрамоннинг отаси, америкалик актёр Жеффри Дин Морган ролидаги Бардемнинг деярли аниқ нусхасини кўришади. Кейинчалик Морган ҳатто карьерасининг бошида испан кино юлдузининг мухлислари унга эсдалик сифатида суратга тушиш илтимоси билан мурожаат қилганини кулиб тан олади.

Натали Портман ва Кира Найтли

Натали Портман: “Леон”, “Қора оққуш”, “Яқинлик” фильмлари билан танилган.

Кира Найтли: “Покланиш”, “Ғурур ва андиша”, “Анна Каренина”, “Кариб денгизи қароқчилари: қора марварид лаънати”.

Бу гўзаллар ўртасидаги ажойиб ўхшашликни сезмаслик қийин. Натали фаолиятини эрта бошлаганига қарамай, ҳозир уларнинг даражаси деярли бир хил. Қизиғи шундаки, улар нафақат ташқи кўринишидан бир-бирига ўхшаш, балки иккаласи ҳам ажойиб фильмларда фаол роль ўйнаган, “Оскар” мукофотига номзод бўлган, кўп йиллар давомида Мiss Dior ва Cоcо Маdmoiselle парфюмерия тўпламларининг юзлари бўлган.

Марго Робби ва Жейми Прессли

Марго Робби: “Бир пайтлар Голливудда”, “Тоня дунёга қарши”, “Уолл-стрит бўриси”, “Худкушлар гуруҳи”, “Икки малика”, “Барби”.

Жейми Прессли: “Менинг исмим Эрл”, “Жек ва Жилл”.

Бу жуфтликнинг энг машҳур актрисаси, шубҳасиз, Марго Робби бўлиб, у 30 ёшида Голливуднинг энг машҳур режиссёрлари — Ричард Кертисдан тортиб Квентин Тарантиногача ҳамкорликда ишлашга муваффақ бўлган ва иккита “Оскар” номинациясини олган. Актрисалик истеъдодидан ташқари, у ўзининг “қўғирчоққа ўхшаш” кўриниши билан танилган, бунинг натижасида у бир неча бор XXI асрнинг энг гўзал аёлларидан бири сифатида тан олинган. Бироқ уни ягона деб бўлмайди: кўк кўзли мафтункор малласочалар ҳар доим жаҳон киносида жуда машҳур бўлган. Шунинг учун ҳам Марго Робби доимий равишда ҳамкасблари билан, кўпинча модель ва актриса Жейми Прессли билан таққосланади.

Ричард Мадден ва Гас Кенворти

Ричард Мадден: “Тахтлар ўйини”, “Ромео ва Жульетта”, “Рокетмен” фильмлари.

Гас Кенворти спортдаги ютуқлари билан танилган: 2014 йилги Олимпия ўйинларида кумуш медал, AFP Жаҳон чемпионатида учта ғалаба

Ричард Мадден “Тахтлар ўйини” култида роль ўйнагач, ҳақиқий кино юлдузига айланди. Шубҳасиз, 2014 йилги Олимпиада кумуш медали совриндори Гас Кенворти ҳам сериалнинг ашаддий мухлиси эди. У кутилмаганда лорд Эддард Старкнинг тўнғич ўғли ва Винтерфелл меросхўри ролини ўйнаган актёрга ўхшашлигини пайқаб қолади. Америкалик фристайлчи ҳатто Twitter’да пост ёзган ва у ерда суратга олиш пайтида вақти-вақти билан унинг ўрнига Ричард Мадденни таклиф қилган. Ўша пайтда бу шунчаки ҳазилдек туюлган бўлса, аммо ҳозир Гас Кенворти актёрлик карьерасига жиддий киришганга ўхшайди. 2019 йилда у “Америкача даҳшатли ҳикоялар” фильмининг янги мавсумида эпизодик ролда пайдо бўлди. Спортдаги ютуқларига қараганда, у ҳар қандай фаолият билан шуғулланса, доимо ғалаба қозонадиган ва тан олинадиган одамлардан биридир.