Голливуд оламига кириб келишдан аввал кўпчилик юлдузлар ўзларини бошқа соҳада кўришган. Ҳозирда эса улар тақдир тақозоси билан актёрлик маҳоратининг етук намоёндалари сифатида дунёга танилган. Қуйида юлдузлар агар актёрликни танламаганда эди, қайси касб эгаси сифатида ишлаши ҳақида сўзлаб берди.
Райан Рейнолдс
Комедия жанридаги фильмлар билан жаҳонга танилган актёр Райан Рейнолдс актёрлик йўлидан кетмаса эди, ота касби — полиция офицери бўлишни танлар эди. Унинг отаси маунти деб номланган Канаданинг отда юрувчи полициячиси бўлган. Актёр сўзларига кўра, маунти касби мамлакатда энг обрўли ишлардан биридир. Райаннинг акаси Терри эса отаси каби отлиқ полициячи бўлиб ишлайди.
София Вергара
Колумбиялик актриса София Вергара болалигидан тиш шифокори бўлишни истаган ва 2 йил давомида тиббиёт мактабида таҳсил олган. Аммо унинг ҳаёти ота-онаси билан бирга пляжда сайр қилаётган вақтда буткул ўзгариб кетди. Актриса айтишича, унинг олдига нотаниш инсон келиб Софияни суратга туширишни сўраган, 17 ёшли бўлажак актриса бунга қаршилик билдирмаган ва шу тариқа ёш ва гўзал София моделлик бизнесига кириб келган.
Марго Робби
Актрисанинг отаси тўртта фарзанд билан онасини ташлаб кетган. Турли қийинчиликларни бошидан кечирган Марго келажакда ўзини циркда кўрар эди. 8 ёшида профессионал цирк артисти бўлиши учун махсус ўқув курсларига беришган. 16 ёшида эса Робби операдаги ёш қизнинг ижросини кўриб актриса бўлишга қарор қилган ва театрга ишга кирган.
Анжелина Жоли
Жоли ўзининг дафн маросимини ташкиллаштирувчи махсус бюросини очишни истаган. Актриса ноодатий ғоялар ҳақида кўп ўйлаганини тан олади ва тез-тез нуқтайи назарини кескин ўзгартириб туради. Ҳатто актрисалик карьерасини тугатса ҳам, Анжелина келажакда дафн маросими ташкилотчиси сифатида ишлаш истагида.
Меттю Макконахи
14 ёшида Меттю Макконахи юрист бўлишни орзу қилган ва Техас университетининг ихтисослаштирилган мактабига киришни истаган. Дунёда адолат борлигига ишонган ёш Меттю инсонларни ҳимоя қилишни жуда истаган ва идеалистик қарашли ўспирин бўлган.
Керри Вашингтон
Болалигида Керри Вашингтон “Sea world” (Денгиз олами) шоусини севиб томоша қилган ва келажакда делфинлар ва бошқа денгиз жонзотлари билан ишловчи махсус тренер бўлишни орзу қилган.
Жорж Клуни
Мактабда ўқиб юрган кезларида ёш Клуни бейсбол спорт тури билан шуғулланишни яхши кўрар эди. У истиқомат қиладиган шаҳарда аълочи ўқувчилар учун бейсбол матчларига бепул билетлар тарқатилар эди. Клуни 16 ёшида профессионал бейсболчилар сафига қўшилишга уринган, аммо бунга ҳали барвақт эканлигини англагач, ўз қарашларини ўзгартирган.
Ребел Уилсон
Болалигидан актриса бўлиш истагига атрофдагилар ишонч билдирмагач, Ребел юридик факультетга ўқишган топширган. Кундуз куни университетда, кечаси эса актёрлик дарсларида қатнашган. Бугунги кунда Ребел Уилсон комедия йўналишида танилган муваффақиятли актрисалардан биридир.
Изоҳ (0)