Avstraliyalik aktrisa va prodyuser Margo Robbi birinchi farzandini dunyoga keltirdi, deya xabar berdi Kino.mail.ru.
34 yoshli aktrisa 17-oktyabr kuni o‘g‘il farzandni dunyoga keltirgan. Avvaliga chaqaloq dunyoga kelgani haqidagi xabarni Margoning do‘stlari va qarindoshlari sir tutdi. Biroq “bobo va buvilar yangi tug‘ilgan chaqaloqni kutib olish uchun Los-Anjelesga uchishga tayyorlanmoqda, bu bola Margo qarindoshlari uchun o‘n ikkinchi nabiradir”, deyiladi manbada.
Tug‘uruq jarayoni yaxshi o‘tgani aytilmoqda. Bundan avval aktrisaning turmush o‘rtog‘i Tom Akerli Los Anjelesda bolalar uchun buyumlar xarid qilayotganida paparatssiga tushib qolgan.
Robbi o‘zining bo‘lajak turmush o‘rtog‘i Tom Akerli bilan 2013-yilda “Fransuzcha Syuita” dramasining suratga olish maydonchasida tanishgan. Tom rejissyorning yordamchisi bo‘lgan va aktrisa esa loyihada suratga tushayotgan edi. Juftlik munosabatlarini sir saqlagan. Ularning nikoh marosimi 2016-yilda bo‘lib o‘tgan.
Izoh (0)