Ла Лига. “Реал” “Барселона”га қарши ўйинда сўнгги дақиқаларда гол уриб, ғалабани илиб кетди (видео)

Футбол бўйича Испания чемпионатининг 32-туридан ўрин олган “Реал” ва “Барселона” учрашуви 21 апрель, якшанба санасида бўлиб ўтди.

Учрашувнинг 6-дақиқасидаёқ ҳисоб очилди. Бурчак зарбасидан узатилган тўпни Кристенсен Лунин дарвозасига жойлаб қўйди. 18-дақиқада эса Винисиус Жуниор пенальтидан унумли фойдаланиб, мувозанатни тиклади. Бўлим дуранг натижа билан якунланди.

Иккинчи бўлимда ҳам жамоалар ҳужумкорлик намойиш этди. 69-дақиқада ажойиб комбинацион ҳужумни Fermiн Лопес гол билан якунлади. Мадридликлар тезкорлик билан жавоб қайтарди. 73-дақиқада Винининг узатган тўпини Васкес дарвозага йўллади. 

Ўйин охирида Жуд Беллингҳем жамоасининг ғалаба голига муаллифлик қилди.

Карло Анчелотти шогирдлари ушбу ғалабадан сўнг очколарини 81 тага етказди ва 2-ўриндаги “Барселона” билан орадаги фарқни 11 очкога етказди.

Ла Лига

32-тур

21 апрель, шанба

“Реал” — “Барселона” 3:2

Голлар: 0:1 – 6 Кристенсен, 1:1 – 18 Винисиус Жуниор (пенальти), 1:2 – 69 Лопес, 2:2 – 73 Васкес, 3:2 — 90+1 Беллингҳем.

“Реал Мадрид”: Лунин, Рюдигер, Тчуамени, Вальверде, Камавинга (Фран Гарсия, 71), Модрич, Кроос (Браим Диас, 71), Беллингҳем, Васкес, Винисиус Жуниор (Хоселу, 82), Родриго (Милитао, 74).

“Барселона”: тер Стеген, Кунде, Араухо, Кубарси, Жоау Канселу, Кристенсен (Лопес, 46), Гундўған, де Йонг (Педри, 45), Рафинья (Жоау Феликс, 64), Ямал, Левандовски (Ферран Торрес, 64).

Огоҳлантиришлар: Камавинга (33), Винисиус Жуниор (75), Кунде (75), Модрич (83).