Мадриднинг “Реал” клуби бош мураббийи Карло Анчелотти янги мавсумдаги мақсадлари ва жамоадаги кейинги ўзгаришлар ҳақида ўз фикрларини билдириб ўтди.
“Жамоанинг мақсади — ихчам ҳаракат қилиш. Агар Винисиус, Килиан ва Родриго прессингда иштирок этса-ю, ярим ҳимоячилар олдинга чиқмаса, бу Винисиус ва Мбаппенинг муаммоси эмас. Биз чизиқларни бир-бирига яқинлаштиришимиз керак”, деб Анчелотти сўзларини келтирмоқда Мадрид Универсал ўзининг Х (собиқ Twitter) ижтимоий тармоғидаги саҳифасида.
Маълумот учун, Карло Анчелотти Европанинг кучли бешлик чемпионатларида ғалаба қозонган ва беш марта Чемпионлар Лигаси кубогини қўлга киритган ягона мураббий ҳисобланади. 2024 йилнинг январида Анчелотти клуб билан шартномасини яна икки йилга: 2026 йил охиригача узайтирди.
“Реал” клуби янги форматда ўтказилаётган Чемпионлар Лигасининг биринчи турида “Штутгарт”га қарши баҳс олиб борди. 18 сентябрь куни бўлиб ўтган ўйинда “қироллик клуб” 3:1 ҳисобида ғалаба қозонди.
Изоҳ (0)