Ла Лига. “Реал” Жуд Беллингҳемнинг дубли эвазига “Барселона”ни мағлуб этди (видео)

Футбол бўйича Испания Ла Лигасининг 11-турида “Барселона” ва “Реал” 28 октябрь, шанба куни ўзаро баҳс олиб борди. 

Учрашув тезкор гол билан бошланди. 6-дақиқада Илкай Гундўған ҳимоячиларнинг қўпол хатосидан унумли фойдаланиб, Кепа дарвозасини ишғол қилди. Биринчи бўлим каталонияликлар фойдасига ҳал бўлди.

Иккинчи бўлимда Карло Анчелотти жамоаси фаолликни оширди. 68-дақиқада Жуд Беллингҳем ажойиб зарба билан гол уриб, мувозанатни тиклади. Ҳакам қўшиб берган дақиқаларда Жуд яна бир бор гол уриб, мадридликларнинг ғалабасини таъминлади.

Ла Лига

11-тур баҳси

28 октябрь, шанба

“Барселона” – “Реал” 1:2

Голлар: 1:0 – 6 Гундўған, 1:1 – 68 Беллингҳем, 1:2 – 90 Беллингҳем.

“Барселона”: тер Стеген, Жоау Канселу (Ямал, 77), Мартинес, Кристенсен, Араухо, Балде, Гундўған, Гави, Лопес (Ромеу, 72), Жоау Феликс (Рафинья, 77), Ферран Торрес (Левандовски, 61).

“Реал Мадрид”: Аррисабалага, Карвахаль, Алаба, Рюдигер, Менди (Камавинга, 52), Кроос (Модрич, 63), Вальверде, Тчуамени, Беллингҳем, Винисиус Жуниор (Васкес, 90), Родриго (Хоселу, 63).

Огоҳлантиришлар: Лопес (17), Ферран Торрес (45), Карвахаль (61).