Мадриднинг “Реал” клуби бош мураббийи Карло Анчелотти “Мадрид” ҳужумчиси Килиан Мбаппе Италиянинг “Аталанта” жамоаси билан УЕФА Суперкубоги баҳсида иштирок этишга тайёрлигини айтди.
![](/static/2024/08/14/gettyimages-2166461153-2048x2048-hSIEx6z0.jpg)
Учрашув бугун, 14 август куни бўлиб ўтади. Ўйин Варшавадаги (Польша) “Миллий” стадионида бўлиб ўтади.
“Бизда тайёргарлик кўриш учун етарлича вақт бўлмади, лекин биз ажойиб формадамиз. Килиан Мбаппе Мадридга яхши ҳолатда етиб келди ва дарҳол мослашди. Килиан ҳам ҳамма каби ўйнашга тайёр. У келган пайтданоқ чинакам зўр фазилатларни намоён этди”, дея Анчелотти сўзларини келтиради УЕФА расмий сайти.
Маълумот учун, 3 июнь куни Мбаппе расман “Реал Мадрид” футболчисига айланди. Шундан сўнг ОАВда франциялик ҳужумчининг маоши йилига 30 миллион евро бўлиши, бундан ташқари урилган голлар учун бонуслар ҳам бўлиши ҳақида маълумот пайдо бўлди.
Мбаппенинг шартномасида 1 миллиард евро товон пули ҳам бор. Яъни футболчи шунча пулга тўлаб шартномани бекор қилиши мумкин.
Изоҳ (0)