Ла Лига. “Реал” Асенсионинг ягона голи эвазига ғалабани илиб кетди 

Футбол бўйича Испания Ла Лигасининг 34-турида “Реал” ва “Хетафе” жамоалари 13 май, шанба куни ўзаро тўқнаш келди.

Учрашувнинг биринчи бўлимида ҳисоб очилмади. Иккинчи бўлимда эса мадридликлар вазиятдан унумли фойдаланиб, гол урди. 70-дақиқада Васкеснинг узатмасини Марко Асенсио голга айлантирди. Ушбу гол ўйин якунига қадар ягоналигини сақлаб қолди ва “қаймоқранглилар”га ғалаба келтирди. 

Ушбу ғалабадан сўнг Карло Анчелотти шогирдлари очколарини 71 тага етказди ва биринчи ўриндаги “Барселона” билан орадаги фарқни қисқартирди. 

Ла Лига

34-тур баҳси

13 май, шанба

“Реал” – “Хетафе” 1:0

Гол: 1:0 – 70 Асенсио.

“Реал Мадрид”: Куртуа, Начо, Милитао, Менди (Кроос, 46), Себальос (Мариано Диас, 61), Тчуамени, Камавинга (Одриосола, 84), Васкес, Вальверде (Модрич, 61), Азар (Винисиус Жуниор, 61), Асенсио.

“Хетафе”: Сория, Иглесиас, Митрович, Алдерете, Альварес (Амави, 84), Жене, Максимович, Аленья (Сеоане, 74), Порту (Мунир, 65), Мата (Анхилери, 66), Майораль (Алгобия, 65).

Огоҳлантиришлар: Мата (28), Камавинга (41), Алдерете (60), Иглесиас (83), Сеоане (90).