Ла Лига. “Реал” 6 та гол урилган ўйинда “Алмерия”ни мағлуб этди, “Барселона” рақибини тор-мор этди

Футбол бўйича Испания Ла Лигасининг 32-туридан ўрин олган ўйинлар 29 апрель, шанба куни бўлиб ўтди.

“Реал” ўз майдонида “Алмерия”ни қабул қилди ва 4:2 ҳисобида ғалаба қозонди. Мадридликлар сафида Карим Бензема ҳет-трик қайд этган бўлса, Родриго ўз ҳисобига битта гол ёздириб қўйди. “Алмерия” сафида эса Лазаро ва Лукас Робертоне биттадан гол муаллифига айланди.

Карло Анчелотти жамоаси очколарини 68 тага етказди ва мусобақа жадвалида 2-ўринда бормоқда. 

“Барселона” эса “Бетис”га қарши баҳс олиб борди. Учрашувнинг 14-дақиқасида Андрес Кристенсен ҳисобни очди. 33-дақиқада Эдгар Гонсалес қизил карточка олиб, майдонни тарк этди. Қолган дақиқаларда Севилья жамоаси бир киши кам бўлиб ҳаракат қилди. 36-дақиқада Роберт Левандовски каталонияликларнинг иккинчи голига муаллифлик қилди. Орадан 3 дақиқа ўтиб, Рафинҳа ҳам ўз ҳисобига гол ёздириб қўйди. 82-дақиқада Гонсалес ўз дарвозасини ишғол қилиб қўйди. Якунда “Барселона” 4:0 ҳисобида ғалаба қозонди.

Хави шогирдлари ушбу ғалабадан сўнг 79 очко билан мусобақа жадвалида етакчилик қилмоқда.

Ла Лига

32-тур баҳслари

29 апрель, шанба

“Реал” – “Алмерия” 4:2

Голлар: 1:0 – 5 Бензема, 2:0 – 17 Бензема, 3:0 – 42 Бензема (пенальти), 3:1 – 45 Лазаро, 4:1 – 47 Родриго, 4:2 – 61 Робертоне.

“Реал Мадрид”: Куртуа, Рюдигер, Милитао, Камавинга, Кроос (Начо, 72), Себальос, Тчуамени, Васкес, Винисиус Жуниор (Карвахаль, 82), Родриго (Асенсио, 72), Бензема.

“Алмерия”: Фернандо, Мендес, Эли, Чуми, Акеме (Мелеро, 75), Пучмал (Эгуарас, 57), Портильо, де ла Ос (Робертоне, 57), Саму Кошта (Сентелес, 75), Лазаро, Рамазани (Суарес, 64).

Огоҳлантиришлар: Винисиус Жуниор (37), Лазаро (66), Мендес (67), Камавинга (74).

“Барселона” – “Бетис” 4:0

Голлар: 1:0 – 14 Кристенсен, 2:0 – 36 Левандовски, 3:0 – 39 Рафинья, 4:0 – 82 Родригес (автогол).

Барселона: тер Стеген, Кунде, Кристенсен (Алонсо, 59), Араухо, Балде, Бускетс, де Йонг (Фати, 59), Педри (Кессиэ, 73), Гави (Ямал, 83), Рафинья (Дембеле, 73), Левандовски.

Бетис: Руй Сильва, Монтойя, Песселя, Луис Фелипе (Эдгар Гонсалес, 12), Миранда (Хоакин, 64), Каналес (Хуанми, 75), Вильям Карвалю, Родригес, Перес (Абнер, 64), Луис Энрике (Акуоку, 46), Виллиан Жозе.

Огоҳлантириш: Эдгар Гонсалес (24).

Четлатиш: Эдгар Гонсалес (33).