Саудия Арабистонининг АCWА Power компанияси Ўзбекистонда яшил энергетика лойиҳаларига қарийб 15 миллиард доллар сармоя киритмоқда. Бу ҳақда “Дарё” мухбири билан суҳбатда компаниянинг қурилиш соҳасида Марказий Осиё бўйича вице–президенти Энтони Бринкуизен маълум қилди.
Тошкент шаҳрида 17–25 октябрь кунлари “Халқаро ҳамкорлик ташаббуслари ҳафталиги” бўлиб ўтди. Мулоқотлардан бири Ўзбекистонда ъяшилъ энергетикага ўтиш истиқболларига бағишланди. Тадбир якунида Энтони Бринкуизен “Дарё” мухбири билан суҳбатлашди. АCWА Power вакилининг айтишича, компания Ўзбекистонда шамол ва қуёшдан электр энергияси олиш борасида йирик лойиҳаларни амалга оширмоқда.
“Ўзбекистонда ъяшилъ энергетика лойиҳаларига жами 15 миллиард доллар сармоя киритмоқдамиз. Бу маблағ 15 та лойиҳага ажратиляпти. Лойиҳаларнинг асосий қисми шамол энергетикасига тўғри келади. Хусусан, сармояларнинг 87 фоизи ъяшилъ энергетика лойиҳаларига, қолган қисми ъяшил водородъ ишлаб чиқаришга йўналтирилади. Бизнинг компания томонидан киритилаётган сармояларнинг энг катта миқдори Саудия Арабистонидан кейин Ўзбекистонга тўғри келади”, — деди мутахассис.
Энтони Бринкуизеннинг таъкидлашича, айни пайтда 15 та лойиҳадан иккитаси ишга тушган ва улардан электр энергияси олинмоқда. Яна 6 та лойиҳада қурилиш ишлари кетаётган бўлиб, улар 2025 йилдан ишга туширилади.
“2030 йилгача 15 та лойиҳанинг барчасини ишга туришиш режалаштирилган”,—дейди компания вакили.
Маълумот учун, 2023 йил 27 ноябрда “АCWА Power” билан амалга оширилаётган лойиҳалар — Сирдарё вилоятида 1500 мегаватт қувватли замонавий буғ-газ электр станциясини тармоққа улаш ҳамда Тошкент вилоятида “яшил водород”ни “пилот” тарзда ишлаб чиқариш қувватларини барпо этиш бошланган.
Сирдарёдаги қиймати 1,1 миллиард долларлик ИЭС лойиҳаси 3 миллиондан зиёд хонадон ва юзлаб саноат корхоналарини электр энергияси билан таъминлаш имконини бериши қайд этилган. Шу билан бирга, “яшил водород” лойиҳасининг биринчи босқичида 3 минг тонна водород ишлаб чиқарилиши айтилган. Кейинчалик минерал ўғитлар қайта ишланиши, 52 мегаваттлик шамол электр станцияси қурилиши таъкидланган.
Изоҳ (0)