Осиё инфратузилмавий инвестициялар банки Бошқарувчилар кенгашининг йиллик йиғилиши доирасида президент Шавкат Мирзиёев Ўзбекистон — Саудия Ишбилармонлар кенгаши ҳамраиси, АCWА Power компанияси бошқаруви раиси Муҳаммад Абунайянни қабул қилди. Бу ҳақда Президент матбуот хизмати хабар берди.
Саудия Арабистони компаниялари билан амалий ҳамкорликни янада кенгайтириш, жумладан, қўшма инвестиция лойиҳаларини амалга ошириш масалалари кўриб чиқилди.
Давлат раҳбари АCWА Power билан кенг кўламли лойиҳаларни амалга оширишда муваффақиятли ҳамкорлик қилинаётгани, Саудия Арабистони сармоясини мамлакатга жалб этишда компания муҳим ўрин тутаётганини таъкидлади.
Энергетика, транспорт, ахборот технологиялари, соғлиқни сақлаш, иссиқлик таъминоти тармоқларини модернизация қилиш, қишлоқ ва сув хўжалиги каби йўналишларда қўшма лойиҳаларни жадаллаштиришга келишиб олинди.
Шу билан давлат раҳбари Самарқанд шаҳрига ташрифини якунлаб, Тошкентга қайтиб келди.
Изоҳ (0)