Мексиканинг Сакатекас штатида автобуснинг юк машинаси билан тўқнашиши оқибатида камида 24 киши ҳалок бўлгани ва яна беш кишининг жароҳатлангани ҳақида штат губернатори Девид Монреаль маълум қилди.
“Бугун эрталаб Сакатекас-Агуаскалентес автомагистралида содир бўлган ЙТҲдан чуқур қайғудаман. Афсуски, 24 киши ҳалок бўлди ва 5 нафар киши жароҳатланди. Воқеа жойига барча хавфсизлик ва фавқулодда хизматлар сафарбар қилинган”, деб ёзди Монреаль Х ижтимоий тармоғидаги саҳифасида.
Маҳаллий ОАВ маълумотларига кўра, ЙТҲ Сакатекас-Агуаскалентес трассасида содир бўлган. Йўловчи автобуси юк машинаси билан тўқнашиб кетиб жарга қулаган. Қурбонлар ва жабрланганларнинг шахси ҳақида маълумот берилмаган.
Изоҳ (0)