Мексика шарқидаги Веракрус штатида Pemex компаниясининг Pajaritos нефть-кимё мажмуида 20 апрель, чоршанба куни рўй берган кучли портлаш ва ёнғиндан сўнг камида 18 киши бедарак йўқолди. Бу ҳақда фуқаролик мудофааси кучлари координатори Луис Фелипе Пуэнте маълум қилди, дея хабар беради «ТАСС».
Мазкур ҳодиса оқибатида 13 киши ҳалок бўлгани, 136 киши жароҳатлангани, улардан 13 нафарининг ҳолати оғир эканлиги билдирилмоқда. Ҳозирда фалокат рўй берган ҳудуд ўраб олинган.
Корхонада содир бўлган фавқулодда ҳодиса сабаблари номаълум бўлиб турибди. Расмийлар авария оқибатларини бартараф этиш ишлари якунлангандан сўнг текширувга киришиши кутилмоқда.
Изоҳ (0)