Тошкент шаҳрининг Чилонзор туманида фуқарони АҚШга, Самарқанд вилоятининг Қўшработ туманида эса яна бир фуқарони Англияга ишга юборишни ваъда қилган шахслар қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Чилонзор туманида фуқаролар А.Н. ва Д.И. фуқаро А.Ж.нинг ишончига кириб, уни танишлари ёрдамида айланма йўллар орқали Америка Қўшма Штатларига ишга юбориши эвазига 14 минг долларни олган вақтида ашёвий далиллар билан ушланган.
Қўшработ туманида фуқаро Ф.У. фуқаролар Қ.Ҳ. ва С.К.нинг ишончига кириб, уларни гўёки юқори лавозимда ишловчи танишлари ёрдамида Англияга ишга юбориши эвазига 2 500 доллар ва 2,5 млн сўмни қўлга киритганлиги аниқланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ, Наманган ва Самарқандда АҚШга ишга юборишини айтиб, пул олганлар ушлангани ҳақида хабар берилганди.
Изоҳ (0)