Клаудия Шейнбаум 1 октябрь куни Мексика тарихидаги биринчи аёл президент сифатида қасамёд қилди.
“Мен Мексика Қўшма Штатларининг сиёсий конституциясига ва ундан келиб чиқадиган қонунларга риоя қилиш ҳамда амалга оширишга, халқ менга ишониб топширган республика президенти вазифаларини содиқлик ва ватанпарварлик билан бажаришга қасамёд қиламан”, деди Шейнбаум президентлик қасамёдида.
Сиёсатчи аёл ўзининг инаугурация маросимидаги нутқида ҳокимиятга Мексикада ўз ўрнини эгаллаш учун курашган, жумладан, “аёл ёки эркак бўлиб туғилишидан қатъи назар, орзуларга эришишни, инсоннинг жинси унинг тақдирини белгиламаслигини орзу қилган” барча аёллар ҳамроҳлигида келганини таъкидлади.
62 ёшли Шейнбаум 2018—2023 йилларда Мехико шаҳри мери лавозимида ишлаган. 2023 йил сентябрь ойида “Mopeна” партияси уни президентликка номзод сифатида кўрсатган. Унинг номзодини собиқ президент Андрес Мануэл Лопес Обрадор қўллаб-қувватлаган. Охирги президентлик сайловларида Шейнбаумни сайловчиларнинг 59,3 фоизи қўллаб-қувватлаган.
Изоҳ (0)