Мексика жануби-ғарбидаги Герреро штатида кўкнор далаларини йўқ қилиш жараёнида ҳарбий вертолёт ҳалокатга учради, бир киши ҳалок бўлди. Бу ҳақда штат хавфсизлигини мувофиқлаштириш гуруҳи вакили Роберто Альварес Эредия Twitter’даги саҳифасида маълум қилди, деб ёзади «РБК».
Унинг сўзларига кўра, авария Леонардо Браво муниципалитетида юз берган. Эредия ҳалокат ҳудудида қидирув ишлари давом этаётганлигини қўшимча қилди.
Aristeguinoticias нашри авария оқибатида бир киши ҳалок бўлганлиги ҳақида хабар беради. Вертолёт гербицидлар ёрдамида кўкнор далаларини йўқ қилиш бўйича операция вақтида қулаган. Шундан сўнг ёниб кетган. Юз берган ҳодиса вазиятлари прокуратура ва тергов органлари томонидан аниқланмоқда. Ҳалокат сабаблари ҳозирча номаълум.
Мазкур вертолётда икки киши бўлиши мумкин, бироқ бошқа яраланган ва ҳалок бўлганлар ҳақида маълумот йўқ.
Изоҳ (0)