Мексика пойтахти Мехико шаҳри метросида икки поезднинг тўқнашиб кетиши натижасида камида 12 киши тан жароҳати олди. Бу ҳақда «Сегодня.ua» хабар бермоқда.
Номаълум сабабга кўра, поездлардан бири станцияга яқинлашиб келаётган вақтда тезликни пасайтира олмаган ва станцияда турган иккинчи поездга бориб урилган. Ҳозирги вақтда ҳодиса жойида қутқарувчилар ва терговчилар иш олиб боришмоқда.
Жабрланувчилар маҳаллий шифохонага етказилган, шифокорларнинг сўзларига кўра, уларнинг ҳаётига ҳеч қандай хавф йўқ. Дастлабки маълумотларга кўра, авария Мехикода ёққан кучли дўл сабаб рўй берган бўлиши мумкин.
Изоҳ (0)