Олий Мажлис Сенати раиси Танзила Норбоева АҚШнинг Ўзбекистондаги элчиси Жонатан Хеник билан учрашди. Бу ҳақда Сенат матбуот хизмати хабар берди.
Мулоқот давомида истиқболда ҳам савдо-иқтисодий ҳамкорликни кенгайтириш, икки мамлакат ишбилармонлари, айниқса, тадбиркор аёллар ўртасида доимий алоқаларни йўлга қуйиш масалалари кўриб чиқилди.
Учрашувда мамлакатда аҳолининг ижтимоий ҳимояси давлат сиёсати даражасига кўтарилгани, бу борада салмоқли ишлар олиб борилаётгани эътироф этилди.
Шу билан бирга, Ўзбекистонда барқарор инвестиция муҳитини янада яхшилаш, Жаҳон савдо ташкилотига аъзо бўлиш жараёнлари юзасидан ҳам фикр алмашилди.
Изоҳ (0)