Президент Шавкат Мирзиёев тадбиркорлар билан очиқ мулоқотда “Ўзбекистонда хизмат кўрсатган тадбиркор” фахрий унвонини таъсис этишни таклиф қилган эди.
Бугун, 28 август куни Олий Мажлис Сенатининг эллик олтинчи ялпи мажлисида “Ўзбекистон Республикасининг “Ўзбекистон Республикасида хизмат кўрсатган тадбиркор” фахрий унвонини таъсис этиш тўғрисида”ги қонунни кўриб чиқди.
![](/static/2024/08/28/photo_2024-08-26_16-52-17-ya_da968.jpg)
Мажлисда Сенатнинг Бюджет ва иқтисодий масалалари қўмитаси раиси Эркин Гадоев “Ўзбекистон Республикасида хизмат кўрсатган тадбиркор” фахрий унвони кимлар берилиши ҳақида маълумот берди.
Бизнеснинг янги, юқори даромадли йўналишларини йўлга қўйган, соҳага инновацияларни кенг жорий қилиш, замонавий ишлаб чиқариш қувватларини барпо этиш, экспорт салоҳиятини ошириш, хорижий ва маҳаллий инвестицияларни фаол жалб қилиш, янги иш ўринларини яратиш орқали мамлакат иқтисодиётини ривожлантириш ҳамда аҳоли фаровонлигини юксалтиришга муносиб ҳисса қўшиб келаётган, шунингдек, ўз фаолияти давомида давлат органлари билан ўзаро ҳамкорликни амалга ошириб, ижтимоий лойиҳалардаги фаоллиги билан бошқаларга намуна бўлаётган, бизнес юритишда катта тажрибага эга, илғор ва ташаббускор тадбиркорлик субъектлари раҳбарлари ва таъсисчиларига берилиши назарда тутилган, деди Эркин Гадоев.
Қонунга кўра “Ўзбекистон Республикасида хизмат кўрсатган тадбиркор” фахрий унвонини таъсис этилиши муносабати билан “Ўзбекистон Республикасининг фахрий унвонларини таъсис этиш тўғрисида”ги ва “Давлат мукофотлари тўғрисида”ги қонунларга тегишли ўзгартириш ва қўшимчалар киритилмоқда.
![](/static/2024/08/28/12-H2gcgAiG.jpg)
Сенат раиси Танзила Норбоеванинг таъкидлашича, Ҳамма ижтимоий-маънавий муҳитимизни соғломлаштиришга ҳам тадбиркорлик фаолияти жуда ижобий таъсир кўрсатади
Ҳамма ҳис қиляптики, тадбиркорликни ривожлантириш орқали жуда кўплаб аҳолини қийнаб келаётган муаммоли масалалар ҳал бўлиши мумкин экан. Нафақат иқтисодий барқарорлигимиз таъминланади, балки ижтимоий масалалар ҳал бўлади. Ижтимоий муаммоларга ечим топилади. Жуда кўп гапирганимиз камбағаллик масаласида ҳам мана секин-секин камбағаллик даражаси тушиб бормоқда. Айниқса, тадбиркорликни ривожлантириш орқали эришилаётган натижалар туфайли ишсизлик масаласи, миграция масалалари ҳал бўлади, жиноятчилик ва ҳоказо, деди Cенат раиси.
Муҳокамадан сўнг қонун маъқулланди.
Изоҳ (0)