Ўзбекистон Олий Мажлис Сенати раиси Танзила Норбоева 16 ноябрь куни Бишкек шаҳрида МДҲ иштирокчи давлатлари Парламентлараро ассамблеясининг навбатдаги ялпи мажлиси доирасида Қозоғистон Парламенти Сенати раиси Маулен Ашимбаев билан учрашди.
Маулен Ашимбаев Ўзбекистоннинг Барқарор ривожланиш мақсадларига эришишдаги етакчилигини алоҳида таъкидлаган.
“Мамлакатни барқарор ривожлантириш соҳасидаги Миллий мақсадлар ва вазифаларнинг 2030 йилгача бўлган даврда амалга оширилишини назорат қилиш бўйича Парламент комиссияси фаолиятини юқори баҳолади. Қозоғистон парламентида ҳам худди шундай комиссия фаолият бошлагани, мазкур йўналишда Ўзбекистоннинг тажрибаси муҳимлигини қайд этди”, дейилади сенат ахборотида.
Қўшимча қилинишича, икки мамлакат парламентларининг юқори палата раҳбарлари қўшма ташаббусларни илгари суриш, ўзаро қўллаб-қувватлаш амалиётини фаол давом эттиришга келишиб олган.
БМТ Барқарор ривожланиш мақсадларини Ўзбекистонда қандай қўллаб-қувватламоқда?
БМТ ва унинг Ўзбекистондаги шериклари “Барқарор ривожланиш мақсадлари”га эришиш устида иш олиб бормоқда: улар Ўзбекистон ва бутун дунё аҳолиси дуч келаётган асосий муаммоларни ҳал этишга қаратилган 17 та ўзаро боғлиқ ва улкан мақсаддан иборат.
Ўзбекистон 2030 йилгача бўлган даврдаги глобал кун тартибида қўйилган вазифаларни бажариш ва “Барқарор ривожланиш мақсадлари” соҳасидаги 16 та миллий мақсадга эришиш учун кўплаб манфаатдор томонлар иштирокидаги шерикликка кенг қамровли ёндашувга содиқ эканини тасдиқлаган.
Барча вазирликларда БРМ устуворлигини таъминлаш учун 2018 йил октябрида ҳукумат 2030 йилгача бўлган давр учун кун тартибини ҳақида қарор қабул қилди, айни қарор БРМни миллий стратегиялар ва дастурлар билан мувофиқлаштириш ишига содиқликни тасдиқлади. Ҳукумат 16 та миллий БРМ, 125 та вазифа ва 206 та кўрсаткични уларни амалга оширишни енгиллаштириш учун маъқуллаган.
Барқарор ривожланиш мақсадлари амалга оширилиши бўйича Парламент комиссияси
Ўзбекистон барқарор ривожлантириш соҳасидаги Миллий мақсадлар ва вазифаларнинг 2030 йилгача бўлган даврда амалга оширилишини назорат қилиш бўйича Парламент комиссияси тузилган. Бундаги асосий мақсад – Миллий БРМ ва уларни амалга ошириш бўйича “Йўл харитаси”нинг ўз вақтида ва сифатли бажарилишини назорат қилиш, фуқаролар ва давлат органлари, хўжалик бошқаруви органлари ҳамда мамлакатнинг бошқа ташкилотлари ўртасидаги алоқаларни мустаҳкамлаш, ушбу масала бўйича парламент ва жамоатчилик муҳокамаларини ташкил этишга кўмаклашишдир.
Жорий йилнинг ноябрь ойида Олий Мажлис палаталари томонидан Вазирлар Маҳкамаси ва халқаро ташкилотлар билан биргаликда мамлакатимиз тарихида илк маротаба Барқарор ривожланиш мақсадлари ойлигини ўтказиш режалаштирилган.
Изоҳ (1)
ха тушунарли